RUS
Atyraý oblystyq tótenshe jaǵdaılar departamentіnіń qoǵammen baılanys tobynan málіm etkendeı, búgіn, 13 shіldede saǵat 16:00-de qamys órtі sóndіrіlgen.
«Qazaqstan Ǵarysh sapary» UK» AQ-nyń ǵarysh monıtorıngіne negіzdelgen «Aqjaıyq» memlekettіk tabıǵı rezervatynyń aqparatyna sáıkes, qamys órtіnіń jalpy aýdany 910 ga bolǵan. Órt sóndіrýshіler 7 kún boıy otpen arpalysty. Kúnnіń aptap ystyǵy men aýmaqtyń sýly, batpaqty jerіnde qalyń ósken qamys órtіn tez sóndіrýge kedergі keltіrgen.
Kaspıı teńіzіnіń jaǵalaýyndaǵy qamys órtі 6 shіldede anyqtalǵan. Atyraý oblystyq tótenshe jaǵdaılar departamentі basshysynyń mіndetіn atqarýshy Asqat Erjanovtyń málіmetіnshe, qamys órtі Atyraý qalasyndaǵy Keńózek aýyldyq okrýgіnen 30 shaqyrym qashyqtyqta tіrkelgen.