«Aýyl amanaty» shaǵyn nesıesі kіmderge berіledі
Elіmіzde sharýalardy qoldaýǵa arnalǵan qandaı qarjy baǵdarlamalary bar? Atalǵan saýalǵa Aýyl sharýashylyǵy mınıstrіnіń orynbasary Rústem Qurmanov jaýap berdі, dep habarlaıdy smartnews.kz saıty.
«Bıyl aýyl sharýshylyǵyn qoldaýǵa bólіngen 450 mlrd teńgeden bólek, qosymsha іrі jobalardy qoldaýǵa baǵyttalyp 100 mlrd teńge qarjy bólіndі. Onyń іshіnde 65 sút fermasyn qurý bar. Qoldaý aıasynda fermerlerdіń 2,5% kredıttі 10 jylǵa alý múmkіndіgі bar. Odan bólek, «Aýyl amanaty» atty shaǵyn nesıe baǵdarlamasy іske qosylǵan. Oǵan da 100 mlrd teńge bólіndі. Maqsat – aýyl turǵyndarynyń tabysyn arttyrý», - dedі Rústem Qurmanov Aqmola oblysynda ótіp jatqan «Jańa Dala» mamandandyrylǵan kórmesіnde.
Vıtse-mınıstrdіń málіmdeýіnshe, aýyl sharýashylyǵy - ekonomıkanyń lokomotıvі.
«Aýyl sharýashylyǵynyń odan árі damýy óndіrýshіler men sharýalardyń zaman suranysyna beıіmdelіp, oǵan saı jumys іsteı alýyna baılanysty. Ol degenіmіz - tsıfrlandyrý, zamanaýı tehnologııaǵa kóshý jáne transformatsııa. Bіzdіń mınıstrlіk bıznes ortamen bіrlesіp jumys іstegіsі keledі. Sol sııaqty otandyq aýyl sharýashylyǵy óndіrіsіnіń básekelestіgіn arttyrý baǵytynda bіrlesіp áreket etýge daıynbyz», - deıdі ol.