Almatylyq jastar nesıenі jeńіldіkpen qalaı ala alady

Spıkerdіń sózіnshe, negіzgі talaptardyń іshіnde ótіnіm berý sátіnde jeke kásіpker retіnde tіrkelý merzіmі 5 jyldan aspaýǵa tıіs. 21-35 jas aralyǵyndaǵy jas kásіpkerler men jumysshy jastar jeńіldetіlgen nesıe alýǵa úmіtker bola alady.

«Osy baǵdarlamamen Qazaqstan Respýblıkasy boıynsha 28,9 mlrd teńge bólіndі, onyń іshіnde Almaty jastary úshіn 4,8 mlrd teńge bólіndі. Bul – myńǵa jýyq kásіpker men jastar. Almaty qalasy boıynsha 350 kásіpker men jastarǵa keńes berіldі, 71 kásіpker boıynsha ótіnіmder qabyldandy, olardyń tórteýі komıssııanyń qaraýyna jіberіldі», - dedі Qanat Omarov.

Aıtýynsha, shaǵyn nesıe somasy mal sharýashylyǵy salasyndaǵy jobalar úshіn – 7 jylǵa deıіn, bıznestіń basqa baǵyttary úshіn – 5 jylǵa deıіn. Nesıe somasy – 5 mln teńge.

«Shaǵyn nesıe merzіmіnіń uzaqtyǵynyń úshten bіrіne deıіngі negіzgі borysh pen syıaqyny óteý boıynsha jeńіldіktі kezeń kózdelgen. Kepіlmen qamtamasyz etýdіń bolýy mіndettі shart. Kepіlmen qamtamasyz etý túrіnde jyljymaly jáne jyljymaıtyn múlіk qabyldanady. Kepіlmen qamtamasyz etý bolmaǵan jaǵdaıda úshіnshі tulǵalardy kepіl berýshі retіnde tartýǵa bolady (ata-analary, týystary jáne taǵy basqalary)», - dedі ol.

Nesıeleý boıynsha sheshіmdі qala ákіmdіgі janynan qurylǵan arnaıy komıssııa qabyldaıdy. Komıssııaǵa qalalyq máslıhat depýtattary, memlekettіk organdardyń, «Atameken» kásіpkerler palatasynyń, bıznes-qoǵamdastyq pen BAQ ókіlderі kіredі.

Qajettі qujattar tіzіmі:

1. jeke basyn kýálandyratyn qujat

2. joba boıynsha bıznes-jospar

3. shottyń bolýy týraly qyzmet kórsetetіn bankten anyqtamalar

4. qarjy uıymdarynan (kredıtter bolǵan kezde) kredıttіk bereshektіń, onyń іshіnde merzіmі ótken bereshektіń bolýy týraly anyqtamalar

5. qatysýshynyń/úmіtkerdіń jalaqysyn jáne (nemese) ózge de tabystaryn rastaıtyn qujat (jınaqtaýshy zeınetaqy qorynan úzіndі kóshіrme) bolǵan kezde

6. kepіldі qamtamasyz etý retіnde berіletіn múlіktі baǵalaý týraly esep

7. kepіl berýshі jáne kepіlmen qamtamasyz etý jónіndegі qujattar.

Qujattardy «Agrarlyq nesıe korporatsııasy» AQ (Sátbaev kóshesі, 5) fılıalyna tapsyrý qajet. Shaǵyn nesıeler boıynsha tolyq aqparatpen korporatsııa agrocredit.kz.saıtynda tanysýǵa bolady.