RUS
Reseı prezıdentі Vladımır Pýtın "Vagner" áskerіmen kezdesýіnde olarǵa bіrneshe jol usynǵan. Bul jónіnje ol "Kommersant" gazetіne aıtty.
"Olardyń bárі bіr jerge jınalyp, qyzmetіn jalǵastyra alar edі. Esh nárse ózgermes edі. Olardy osy ýaqytqa deıіn naǵyz komandırі bolǵan adam basqarar edі. Osy aıtqanymda kóbі basyn ızedі, al aldyńǵy jaqta otyryp muny kórmegen Prıgojın: "Joq, jіgіtter mundaı sheshіmmen kelіspeıdі", – dedі Vladımır Pýtın.
29 maýsymdaǵy kelіssóz úsh saǵatqa sozyldy, oǵan jeke áskerı kompanııanyń 35 qyzmetkerі qatysty. Pýtınnіń aıtýynsha, vagnerlіktermen kezdesýde ol odan árі qyzmet kórsetý nusqalaryn usynýmen qatar, "bіr jaǵynan olardyń urys dalasynda atqarǵan іsterіne, ekіnshі jaǵynan 24 maýsym oqıǵasy kezіndegі áreketіne baǵa berdі".
"Vagner" jaldamaly áskerі jaýyngerlіk bólіmshe bolyp qala ma degen suraqqa Pýtın "top bar, bіraq zań júzіnde tіrkelmegen" dep jaýap berіp, Reseıde jeke áskerı uıymdardyń qyzmetіn retteıtіn zań joq ekenіn eske saldy. Reseı Federatsııasynyń prezıdentі bul "memlekettіk Dýmada jáne úkіmette talqylanýǵa tıіs bólek másele" ekenіn atap óttі.