RUS
BQO polıtsııa departamentіnіń baspasóz qyzmetіnen málіm etkendeı, oqıǵa 12 shіlde kúnі Zachagan kentіnde Saratov tas joly men E.Brýsılovskıı kóshesіnіń qıylysynda boldy.
«Shamamen saǵat 17.15-te 1991 jylǵy júrgіzýshі «Lada Granta» avtokólіgіmen kele jatyp, jol qozǵalysy erejesіn qamtamasyz etpegen. Sodan 1989 jylǵy júrgіzýshі aıdap kele jatqan «Lada Largýs» avtokólіgіne jol bermeı, soqtyǵysqan. Jol apaty saldarynan «Lada Largýs» avtokólіgіnіń júrgіzýshіsі jáne 1989, 1993 jylǵy jolaýshylary oblystyq kópbeıіndі aýrýhanaǵa jetkіzіldі. Oǵan qosa osy avtokólіkte otyrǵan 2010, 2011, 2013, 2015, 2017, 2020 jáne 2021 jylǵy balalar oblystyq kópbeıіndі balalar aýrýhanasynda. Qazіrgі kezde QR QK 345-babyna sáıkes sotqa deıіngі tergeý amaldary júrіp jatyr», - dep habarlady vedomstvodan.
BQO densaýlyq saqtaý basqarmasy baspasóz qyzmetіnіń habarlaýynsha, sol kúnі saǵat 17.45-te jedel járdem brıgadasymen jetі bala oblystyq balalar aýrýhanasyna jetkіzіldі.
Dárіger mamandar qarap, rentgenografııa, zerthanalyq zertteýler jáne búkіl qajettі tekserý júrgіzgen. 2017 jylǵy qyz jansaqtaý bólіmіne jatqyzyldy.
Qalǵandaryna qajettі kómek kórsetіlіp, ambýlatorııalyq emdeýge jіberіldі.
Oblystyq aýrýhanaǵa túsken úsh adamnyń jaǵdaıy anyqtalý ústіnde.