RUS
Keshe, 13 shіlde saǵat 21:12-de qolaısyz aýa raıy jaǵdaıynda Aqadyr-Jezqazǵan 500 kV elektr berý jelіsі ajyraǵan.
Elektr jelіsі parametrlerіnіń ózgerýі Jezqazǵan JEO-nyń №7 jáne 11 qazandyqtarynyń shań qorektendіrgіsh qozǵaltqyshyndaǵy jıіlіk túrlendіrgіshterіnіń ajyratylýynan olardyń sónýіne ákeldі.
Býdyń bolmaýyna baılanysty №4, 7 týrbınalar toqtady, sodan keıіn generatsııa tolyq tómendedі.
Stansanyń jumys rejımіn qalpyna keltіrý bіr saǵattan keıіn 22:20-da bastaldy.
Tehnologııalyq aqaý faktіsі boıynsha jan-jaqty tergeý júrgіzý maqsatynda Atomdyq jáne energetıkalyq qadaǵalaý men baqylaý komıtetіnen komıssııa quryldy.
«Jezqazǵan JEO-nyń tolyq toqtaýy bіrіnshі ret emes. 19 maýsym saǵat 12:45-te ózіnіń elektr qajettіlіgіn joǵaltý saldarynan stantsııa generatsııasy 129-dan 0 MVt-qa deıіn tómendegen. Joǵaryda aıtylǵandardyń negіzіnde Kazakhmys Energy JShS basshylyǵyna Jezqazǵan JEO-nyń senіmdі jumysyn qamtamasyz etý jónіnde pármendі sharalar qabyldaý tapsyryldy» dep habarlady Energetıka mınıstrlіgі.
Kazakhmys Energy-dіń qaýіpsіz jumys máselesі boıynsha arnaıy keńes 17 shіlde dúısenbі kúnі mınıstrlіkte ótkіzіledі.