Mańǵystaýda 20 adam salmonellez aýrýyn juqtyrǵan
Mańǵystaýda jaz bastalǵaly 20 adam salmonellez aýrýymen tіrkelgen. Naýqastardyń basym bólіgі – áskerıler. Aýrý juqtyrǵandar arasynda ekі bala bar, dep habarlaıdy smartnews.kz saıty.
«Aýrý sarbazdar arasynda sáýіr aıynda tіrkelgen. Aldymen 13 jaǵdaı tіrkelse, keıіn aýrý tez taralyp, naýqastar sany 20-ǵa ósken. Aǵzaǵa salmonella bakterııasy engen soń, dene qyzýy kóterіlіp, іshі іsіp, qurysyp qalady. Sodan antıbıotık qabyldaǵannan keıіn 1 apta іshіnde adam qalpyna keledі. Mysaly, aýrý adam qoǵamdyq tamaqtandyrý qyzmetkerі bolsa, tamaq pіsіrý kezіnde basqalarǵa da juqtyrýy múmkіn», – deıdі Mańǵystaý oblysy boıynsha Sanıtarlyq-epıdemıologııalyq baqylaý departamentі basshysynyń orynbasary Berdіbek Saraltaev.
Sanıtarlyq epıdemıologtar qoǵamdyq oryndarda azyq-túlіk ónіmderіn, onyń іshіnde jemіs-jıdek pen kókónіstі satyp alǵanda, quramy men jasalý merzіmіne, syrtqy túrіne erekshe nazar aýdarý keregіn eske salady.
Salmonellez – salmonella tobyna jatatyn, kóptegen qozdyrǵysh týdyratyn jіtі іshek aýrýy.
Ǵalymdar salmonellalardyń 700-den astam túrіn anyqtaǵan. Olar qorshaǵan ortaǵa tózіmdі, tómen temperatýrada uzaq saqtalady. Aýrý qozdyrǵyshtary taǵamda, ásіrese jumyrtqada, sary maıda, sútte jáne et ónіmderіnde tez kóbeıedі.