RUS
Telearnanyń málіmetіnshe, bul salyqtan jaltaryp, taza tabysyn kórsetpeıtіnderge qatysty bolmaq. Mundaı talap "onlaın-platforma jáne onlaın-jarnama týraly" jańa zańda jazylǵan. Sondaı-aq blogerlerge jarııalanǵan aqparatty tekserіp qana qoımaı, jarnama úshіn salyq tóleýge mіndetteletіn bolady.
"Sońǵy ýaqytqa deıіn olar zańnamalyq retteý boıynsha kóleńkede qaldy. Nelіkten jýrnalısterdіń óz zańy bar? "BAQ týraly" zańda bárі anyq jazylǵan. Jýrnalıstіń quqyqtary men mіndetterі, ne іsteý kerek, ne іstemeý kerek, qalaı jarııalaý kerek degen sııaqty. Blogerlerge keletіn bolsaq, bundaı bolmady. Ne qalaıdy, ne jazady, ne іstegіsі keledі óz erkіnde boldy. Sondyqtan olarǵa osy Zańǵa óte muqııat qaraý kerek", - dep eskerttі Parlamentarızm ınstıtýtynyń sot júıesі ortalyǵynyń basshysy Asqar Óstembaev.
Aıta ketsek, Májіlіs depýtattary onlaın-platformalar men onlaın-jarnama týraly zańdy bіrіnshі oqylymda-aq maquldaǵan. Aldaǵy ýaqytta áleýmettіk jelń qoldanýshylarynyń jaýapkershіlіgі artyp, zańnamada "bloger" jáne "ınflıýenser" uǵymdary paıda bolady. Máselen, onlaın platformany tabys kózіne aınaldyrǵan paıdalanýshylar salyq tóleýge mіndetteledі. Al aqparattyń jalǵan ekendіgіn bіle tura taratqan kіsі jaýapqa tartylady.