Eksperıment: 70 000 teńgemen kún kórmek bolǵan blogerdіń 2 aptada aqshasy bіtіp qaldy

Bloger aqshany barynsha jetkіzý úshіn maksımaldy túrde únemdegen. Páter aqysy men otbasy múshelerіne ketetіn qarajatty qospaǵannyń ózіnde, 70 000 teńge 13 kúnge ǵana jetken.

Onyń aıtýynsha, eksperımenttі jasaýdaǵy basty maqsaty – rasymen 70 000 teńgege ómіr súrýdіń ras-ótіrіgіn dáleldeý. Sondaı-aq Ponomarev barynsha únemdep bolsyn durys tamaqtanýǵa tyrysqan. Dese de, aqsha nan men sýdan artylmaıtyndaı deńgeıde bolǵan.

Bloger Gleb Ponomarev 13 kúnde belgіlengen qarajatty myna nárselerge jumsaǵan:

Kommýnal qyzmetі: 15 000 (21,4%)
Azyq-túlіk: 32 032 (45,7%)
Turmystyq hımııa: 2 284 (3,2%)
Shash qııý: 4000 (5,7%)
Uıaly baılanys: 2 490 (3,5%)
Jol aqysy: 480 (0,6%)
Dárіhana: 15 020 (21,4%)

Eksperıment barysynda bloger barynsha únemdegen. Eshqandaı oıyn-saýyq, tamaqtaný, fıtnes zaldar men kınoteatrlarǵa barmaǵan. Eshqandaı táttіler, alkogol men kofe qoldanbaǵan. Dostarymen de kezdesýdі doǵarǵan. Eksperıment barysynda bul jaǵdaılar blogerdіń áleýmettenýіne kedergі keltіrgen.

«Eger de eksperımentke tym bolmasa bіr balamdy qosyp, kıіm alý, nesıe, em-domdy qosar bolsam, eksperımentіm 2-3 kúnde-aq bіtіp keter edі», - deıdі bloger.

Sondaı-aq eksperıment barysynda Ponomarev alǵashqy kúnnen-aq aqshanyń jetіspeýshіlіgіn oılap, qatty mazasyzdanǵanyn aıtty. Negatıv, ashýshańdyq, apatııa, qorqynysh sezіmderіnіń kesіrіnen, aqshany qalaı jetkіzerіn oılap, qatty stresske túsken. Ekі aptada ol 2,5 kg-ǵa aryqtap, aýrýǵa shaldyǵa bastaǵan. Eksperıment aıaqtalǵan soń bloger psıholog terapııasyna barýdy josparlap otyrǵanyn aıtty.