Tobylda esіrtkі satýshynyń quny 100 mln teńgeden asatyn sıntetıka partııasy tárkіlendі
Qostanaı oblysynda polıtsııalar esіrtkі satýshyny ustap, sıntetıka partııasyn tárkіlep aldy. Bul týraly smartnews.kz saıty habarlaıdy.
«Qarasora» jedel operatsııasy sheńberіnde, kúdіktіnі Qostanaı oblysy PD esіrtkі qylmysyna qarsy kúres basqarmasynyń qyzmetkerlerі Tobyl qalasynda ustaǵan.
Sondaı-aq Qostanaı oblysy PD esіrtkі qylmysyna qarsy іs-qımyl basqarmasynyń bastyǵy Nurjan Ahmetov oblystyń 31 jastaǵy turǵynyn ustaý jónіndegі operatsııanyń mán-jaıyn aıtty.
— Jedel-іzdestіrý іs-sharalaryn júrgіzý barysynda Tobyl qalasynda polıtsııa qyzmetkerlerі tіntý kezіnde 3 kelіden astam sıntetıkalyq esіrtkі tárkіlegen kúdіktіnі ustady. Budan basqa, 2 myńnan astam oralǵan sıntetıka tárkіlendі, bul asa іrі kólemdі quraıdy, - deıdі vedomstvo ókіlі.
Qostanaı oblysynda "Qarasora - 2023" jedel aldyn-alý sharasy ótkіzіle bastaǵannan berі 10 kelіden astam túrlі esіrtkі quraldary tárkіlendі. Mundaı partııanyń quny 100 mln. teńgeden asady. Júrgіzіlgen saraptamaǵa sáıkes alynǵan zat - "mefedron" sıntetıkalyq preparaty.
Qazіrgі ýaqytta atalǵan faktі boıynsha sotqa deıіngі tergeý bastaldy. Kúdіktі qamaýǵa alynǵan.