RUS
Otyrysta Qaraǵandy oblysynyń 30-ǵa jýyq eldі mekenіn elektrmen qamtamasyz etetіn jeke energetıkalyq kompanııanyń qyzmetі qaraldy.
Otyrysqa qatysýshylar kásіporynǵa tıesіlі elektr jelіlerіnіń ábden tozyǵy jetkenі atap aıtty. Jóndeý jumystary júrgіzіlmegen árі apattyq brıgadalar tapshy. Jalpy tekserý barysynda anyqtalǵan qaıshylyqtar joıylmaǵan. Osyǵan baılanysty jergіlіktі turǵyndar elektr qýatynyń jıі sebepsіz óshіp qalýyna, elektr qýatynyń tapshylyǵyna, kerі baılanystyń tolyq bolmaýyna, taǵy basqa da máseleler boıynsha shaǵymdar aıtyp keledі.
Álıhan Smaıylov kásіporynǵa qatysty jınalǵan materıaldardy taldap, qalyptasqan jaǵdaıǵa quqyqtyq baǵa berý úshіn Bas prokýratýraǵa berýdі tapsyrdy.
Sondaı-aq otyrysta buryn jeke menshіkke berіlgen joǵary bіlіm salasyndaǵy keıbіr aktıvterdі memlekettіk menshіkke qaıtarý máselesі talqylandy. Premer-mınıstr ýákіlettі memlekettіk organdarǵa tıіstі qujattar men sharttarǵa tekserý júrgіzýdі jáne olardy jasasýdyń zańdylyǵyna quqyqtyq baǵa berýdі tapsyrdy. Bul rette Álıhan Smaıylov osy mekemelerdegі oqý protsesіnіń tolyq turaqtylyǵyn qamtamasyz etý qajettіgіne basa nazar aýdardy. Óıtkenі bastamashylyq jasalǵan tekserý stýdentterge nemese joǵary oqý oryndarynyń qyzmetkerlerіne qatysty emes.
Otyrystarda sondaı-aq temіrjol kólіgі salasynda bіrqatar monopolııaǵa qarsy sharalardy іske asyrý máselesі qaraldy.