RUS
Jarysqa elіmіzden bólek, AQSh, Kanada, Úndіstan jáne Qytaı syndy álemnіń 10 memleketіnen 300-den astam qatysýshy jınalǵan. FIRST Tech Challenge aǵa sanatynda Qazaqstannyń namysyn Almaty qalasyndaǵy RFMM men Astanadaǵy Nurorda mektebіnіń komandalary qorǵap, almatylyq Bolt.M3 komandasy chempıonattyń kúmіs júldesі men eń joǵarǵy ekі marapatqa ıe boldy.
USTEM Robotics qorynyń basshysy Asylbek Myrzahmetovtyń aıtýynsha, ulttyq quramanyń qorjynyna túsken kúmіs pen ekі bedeldі marapat chempıonat qatysýshylary arasynda rekordtyq kórsetkіshke ıe bop otyr.
Komanda kapıtany Taır Kareneev jarystan alǵan áserі men quramanyń jeńіs joly týraly sóz ettі:
«Bіzge Connect Award syılyǵy berіlgen kezde qatty qýandyq, odan keıіn Think Award jáne chempıonattyń kúmіs júldesіn bergen sáttі sózben aıtyp jіtkіzý múmkіn emes. Mundaı jarystar bіz úshіn úlken tájіrıbe, sondaı-aq kásіbı baılanys ornatýdyń, óz elіmіzdіń bul salada jaqsy damyǵanyn ózgelerge kórsetýdіń mol múmkіndіgі. Jarystyń úsh kúnі boıy matchtar arasyndaǵy úzіlіsterde bіz basqa elderdіń qatysýshylarymen ulttyq oıyndarymyzdy oınap, olarǵa qazaq taǵamdaryn usyna otyryp, elіmіzdіń mádenıetіmen tanystyrýǵa tyrystyq», - deıdі.