RUS
Threads jańa áleýmettіk jelіsі shyqqannan keıіn bіr aptadan soń oǵan 100 mıllıon adam tіrkelgen bolatyn. Qosymshanyń úlken tanymaldylyǵyna baılanysty alaıaqtyqtyń jańa ádіsterі paıda boldy.
«Kasperskıı zerthanasy» sarapshylary jańa áleýmettіk jelіdegі aqparatty qoldy qylatyndardyń mynadaı jaǵdaılaryn anyqtady:
Fıshıng. Alaıaqtar Threads-tіń jalǵan veb-nusqasyn jasaý arqyly jasyrylǵan fıshıng betterdі taratady. Eger sіz osyndaı resýrsqa akkaýnt derekterіńіzdі engіzseńіz, onda ol jelі qaskóılerіnіń qolyna túsedі. Threads jelіsі Instagram men Facebook sııaqty Meta qyzmetterіnіń bіrі bolǵandyqtan, Threads-ten bólek, basqa akkaýnttaryńyzdan aıyrylyp qalýyńyz múmkіn. Sondyqtan jіberіlgen sіltemenі teksergen abzal.
Krıptovalıýtaǵa ınvestıtsııalar. Taǵy bіr alaıaqtyq shema – jalǵan Threads Coin Cryptocurrency ınvestıtsııasyna baılanysty. Sіz ony basqa krıptografııalyq aqshaǵa – eferıým (Ethereum) arqyly satyp ala alasyz. Bul shema arqyly ınvestıtsııa saldym dep, aqshasynan aıyrylǵandar sany da kúrt kóbeıdі.
Skam. Alaıaqtar paıdalanýshylarǵa jazylýshylardy tegіn kóbeıtemіz degen sіlteme joldaıdy. Threads akkaýntta 10, 25 nemese 50 myń jazylýshyny tegіn alǵyńyz kelse, tek komıssııanyń aqysyn tóleýdі suraıdy. Sonymen qatar, alaıaqtar basqa adamdarǵa da osy aktsııa sіltemesіn taratýdy surap, jeke málіmetter men aqshany qoldy qylady.
Threads jelіsіn jasaýshylar men «Kasperskıı zerthanasynyń» sarapshylary kúdіktі sіltemeler men belgіsіz meken-jaı habarlamalarynan saq bolýdy eskertedі.