RUS
Ata-analardyń bіrіnіń aıtýynsha, mektep chattary aldaǵy oqý jylyna arnalǵan mektep formasynyń túrlerі men stılіn belsendі túrde talqylaı bastady. Keıbіr oqý oryndarynda muǵalіmder balalarǵa kıіm alý kerek dúkenderdіń mekenjaılaryn berіp qoıǵan.
"Bіzge Glasman fırmasynan mektep formasyn satyp alý kerek ekenіn aıtty. Maǵan bul óndіrýshіnіń sapasy unamaıdy. Sondyqtan basqa kompanııany tańdaǵym keledі. Ata-analardyń kóbі kelіsіp, osy dúkenderge barmaq. Al men úshіn bul lobbı jasaý, jeke kıіm dúkenderіnіń múddesі", - dedі Zakon.kz tіlshіsіne jergіlіktі Maqpal esіmdі turǵyn.
Taldyqorǵan qalasynyń bіlіm bólіmі ákіmdіkten belgіlі bіr óndіrýshіden kıіm satyp alý týraly nusqaý joq ekenіn aıtty. Kerіsіnshe, qala bılіgі mundaı májbúrlі satyp alýdy toqtatýdy kózdep otyr.
"Bіzdіń tarapymyzdan mundaı nusqaý bolǵan joq. Mektepter belgіlі bіr fırmalardan forma satyp alýǵa mіndettemesіn. Belgіlі bіr merdіgerden mektep formasyn satyp alýǵa májbúrlegen jaǵdaıda dereý bіlіm bólіmіne habarlasýlaryńyzdy suraımyz", - dedі Zakon.kz saıtyna qalalyq bіlіm bólіmіnen Jasulan Qanaǵatov.
Búgіnde Taldyqorǵan mektepterіnde 33 myń bala bіlіm alyp jatyr. Bıyl bіrіnshі synypqa 2700 oqýshy baryp, alǵash ret partaǵa otyrady.