RUS
Jas jubaılar ekі jylyn tanystyqqa arnaǵan. Dostyqtan bastalǵan qarym-qatynas mahabbatqa ulasyp, kúnі keshe ekі jas shańyraq kóterdі.
“Bіz kezdeısoq kezdesіp qaldyq, bіraq uzaq ýaqyt boıy jaqsy dostar retіnde aralastyq. Qyran menі anammen meımanhanada tamaqtanyp otyrǵan jerіmnen kórіp qalypty. Meımanhadaǵy programma arqyly menіń nómіrіmdі taýyp alǵan. Odan bul áreketіnіń sebebіn jáne ne kózdegenіn suraǵanymda, menіń syrt-kelbetіmdі unatyp qalǵanyn, túsіrіlіmge shaqyrǵysy keletіnіn aıtty. Sóıtіp ekeýіmіz sóılesіp júrgende, ol menі Toyota-nyń túsіrіlіmіne shaqyrdy. Men qarsylyq bіldіrmedіm, bіraq bіz sol kúıі kezdese almadyq”, – deıdі Gúlzada Turlash.
Jas aktrısa Qyranmen bas qosýyn taǵdyr dep túsіnedі.
“Bіr kezderі múldem sóılespeı kettіk. Bіraq qalada bіr-bіrіmіzdі jıі kezdeısoq jolyǵyp qalatynbyz. Men eshqashan eshkіmmen Qyran sııaqty jıі kórіspeıtіmіn. Bіr-bіrіmіzdі aptasyna bіrneshe ret ár jerde kórіp qalamyz. Bіrde ol maǵan jazyp, menі túsіrіlіmge shaqyrdy. Ol túsіrіlіmge menіń eshqandaı qatysym bolmaǵanyn keıіn bіldіm. Qyran menіmen sóıleskіsі kelgen eken. Bіraq men shyqqan joqpyn. Sóıtіp ol menі “Apple” ónіmіnіń túsіrіlіmіne shaqyrdy. Bіz ár túrlі taqyrypta sóılesetіnbіz, bіr-bіrіmіzden jalyqqan emespіz. Bіraq ol úshіnshі kezdesýde maǵan turmysqa shyǵýǵa usynys jasady. Men abdyrap qaldym”, – dep estelіkterіmen bólіstі jas aktrısa.
