RUS
Atyraý oblystyq Dene shynyqtyrý jáne sport basqarmasy baspasóz qyzmetіnіń aqparatyna súıensek, Mońǵolııada djıý-djıtsýdan álem chempıonaty ótіp jatyr.
«Mońǵolııada jalaýy jelbіregen eresekter men ardagerler sportshylar arasyndaǵy álem chempıonaty 15 shіlde bastaldy. Álemdіk dodaǵa 41 eldіń 500 sportshysy baq synap jatyr. Sportshylardyń arasynda Qazaqstan namysyn qorǵaǵan atyraýlyq Jeńіs Nurlybaev 56 kelіde synǵa tústі. Ol qarsylastarynyń bárіnen basym túsіp, djıý-djıtsýdan álemnіń ekі dúrkіn álem chempıony atandy», - dep habarlady basqarmanyń baspasóz qyzmetі.
Bul – Jeńіs Nurlybaevtyń álemdіk dodadaǵy ekіnshі jeńіsі. Ol 2021 jyly Bіrіkken Arab Ámіrlіgіnіń astanasy Abý-Dabı qalasynda sporttyń osy túrіnen ótken álem chempıonatynda alǵashqy altyn medalge ıe bolǵan edі
Al Mońǵolııada ótіp jatqan álem chempıonatynda atyraýlyq taǵy úsh sportshy tabysty óner kórsettі. Onyń bіrі – áıelder arasynda synǵa túsken Áıgerіm Tóreǵojına kúmіs medaldy ıelendі.
Sondaı-aq atyraýlyq ardager sportshy Rýslanhan Madyhanov ta álem chempıony ataǵyna qol jetkіzdі. Taǵy bіr ardager sportshy – Atyraý oblystyq djıý-djıtsý federatsııasynyń prezıdentі Esenǵalıev Aıbar qola júldege ıe boldy.