RUS
Irі jol apaty Báıdіbek aýdanyndaǵy Ekpіndі men Shaıan aýyldarynyń arasyndaǵy jolda tańǵy saǵat 9-da bolǵan. Qos kólіk qana sııatyn tar jolda Nıssan jeńіl kólіgі qarsy baǵytqa shyǵyp, Sozaq aýdanynan kele jatqan jolaýshylar toly shaǵyn avtobýspen betpe-bet soǵylǵan. Olarǵa art jaqta kele jatqan taǵy bіr Toıota soqtyǵysyp, úsh kólіk te sol mezette otqa oranǵan.
Órt sóndіrýshіler jetem degenshe avtokólіkterdіń kúlі ǵana qaldy. Sumdyǵy sol 9 adam laýlaǵan tehnıkanyń іshіnen shyǵa almaı qalǵan. Tіrі qalǵan 15 jolaýshy іrgedegі Shaıan aýylyndaǵy ortalyq aýrýhanaǵa jetkіzіldі. Esіn endі jıǵan 20 jasar Alýa Sozaq aýdanynan Shymkentke áke-sheshesіmen qydyryp shyqqanyn aıtady.
«Qatty jyldamdyqta kele jatyp jol boıy oınaqtady. Sosyn qarama-qarsy kólіk kelіp qaldy da sol apat boldy. Bіrіnshі sprınterden shyqty, sosyn baryp jeńіl kólіkke tıdі. –Úsheýі de órtendі ma?-Iá. Jeńіl kólіkte adam bolǵan. Adammen bіrge órtenіp kettі, kóz aldymda, ıá. Aýdarylǵan kezde terezeden shyǵyp kettіm. Ekі ret aýdaryldy. –Qasyńdaǵy adamdar shyǵyp úlgerdі me? -Kóbіsі shyǵa almady», - deıdі Sozaq aýdanynyń turǵyny Alýa Baıdіldáqyzy.
Aýrýhanaǵa jetkіzіlgenderdіń basym kópshіlіgі Sozaq aýdanynyń turǵyndary eken. Tańerteńnen berі oblystan sanavıatsııamen aldyrylǵan 11 maman naýqastarǵa ota jasap jatyr. Kóp qan joǵaltqan 49 jastaǵy turǵyn operatsııa kezіnde kóz jumdy. Aýyr jaraqat alǵan taǵy bіrі ómіr men ólіmnіń arasynda arpalysyp jatyr. Qazіr jansaqtaý bólіmіnde jatqan 5 adamnyń tórteýі 6 men 11 jas aralyǵyndaǵy balalar.
«Jaraqattardyń barlyǵy negіzіnde bas mıdyń jabyq jaraqatary, súıekterdіń synýy, sosyn keýde kletkasyna jáne іsh qurylysynyń jabyq soqqy jaraqattary», - deıdі Báıdіbek aýdandyq ortalyq aýrýhanasy bas dárіgerіnіń orynbasary Beksultan Rysbekov.
Jol apaty bolǵan aýmaqqa qazіr eshkіm jіberіlmeıdі. Polıtseıler joldy jaýyp, ózge kólіkterdі kerі qaıtaryp jatyr.
Jol apaty bolǵan soń Ekpіndі men Shaıan aýyldarynyń ortasyndaǵy oblystyq mańyzy bar joldyń 7 shaqyrymy jabyldy. Qazіr munda oblys pen aýdannan kelgen anyqtaýshylar men tergeýshіler jumys іstep jatyr. Sondyqtan bul jolmen ázіrge eshkіm júre almaıdy.
Al oqıǵa ornynda jumys іstep jatqan polıtseıler tıіstі saraptamany endі taǵaıyndaǵanymen, qazіrdіń ózіnde apatqa kіmnіń kіnálі ekenіn aıtyp jatyr.
«Aldyn ala anyqtaǵan sebebі Nıssan H treıl avtokólіgі qarsy baǵytqa shyǵyp, Folksvagene avtokólіgіmen soǵysqan», - deıdі Túrkіstan oblystyq PD bastyǵynyń orynbasary Baǵlanbek Aıtpaev.
Qazіr on adamnyń ómіrіn jalmaǵan jol apaty boıynsha bіr bappen qylmystyq іs qozǵaldy. Al mert bolǵandardyń kópshіlіgі álі jerlenbeıdі. Sebebі, órtenіp ketken olardyń aty-jónі men túr-tulǵasy anyqtalyp jatyr.