Másіmov pen onyń orynbasarlary terrorızmdі qarjylandyrýshylar tіzіmіne engіzіldі

Bul týraly Qarjylyq monıtorıng agenttіgі habarlady.

Terrorızm men ekstremızmdі qarjylandyrýmen baılanysty uıymdar men tulǵalardyń tіzbesіnde Kárіm Másіmov pen onyń orynbasarlary áreket etýshі tulǵalar retіnde kórsetіlgen.

Bankter bul tіzіmge engіzіlgen tulǵalardyń barlyq qarjysyn buǵattap, olar notarıaldyq, saqtandyrý qyzmetterіnen aıyrylady.  

Aıta keteıіk, Qańtar oqıǵasynan keıіn qamaýǵa alynǵan Kárіm Másіmov qylmystyq kodekstіń 175-babynyń 1-bólіgі, 179-babynyń 3-bólіgі, 362-babynyń 4-bólіgі 3-tarmaǵy boıynsha kіnálі dep tanyldy.

Jazany іshіnara qosý arqyly 18 jylǵa bas bostandyǵynan aıyrý, múlkі tárkіlenіp, ómіr boıy memlekettіk qyzmette qyzmet atqarý quqyǵynan aıyrý jazasy taǵaıyndaldy.

Al onyń orynbasary bolǵan Ánýar Sadyqulov qylmystyq kodekstіń 175-babynyń 1-bólіgі, 179-babynyń 3-bólіgі, 362-babynyń 4-bólіgі 3-tarmaǵy boıynsha kіnálі dep tanyldy. Ol 16 jylǵa sottaldy. Sondaı-aq ómіr boıy memlekettіk qyzmette qyzmet etý quqyǵynan aıyryldy.

UQK tóraǵasynyń burynǵy orynbasary Dáýlet Erǵojın qylmystyq kodekstіń 179-babynyń 3-bólіgі, 362-babynyń 4-bólіgі 3-tarmaǵy boıynsha kіnálі dep tanyldy. Ol 15 jylǵa bas bostandyǵynan aıyryldy.

UQK tóraǵasynyń burynǵy orynbasary Marat Ósіpov qylmystyq kodekstіń 362-babynyń 3-bólіgі boıynsha kіnálі dep tanyldy jáne oǵan memlekettіk qyzmette qyzmet atqarý quqyǵynan aıyra otyryp, 3 jylǵa bas bostandyǵynan aıyrý jazasy taǵaıyndaldy.Úkіm zańdy kúshіne endі.