Saýnadan balalar lagerіn ashqan kásіpker memleketten 107 mln teńge alǵan
Almaty qalalyq máslıhatynyń depýtattary Uzynaǵash aýylyndaǵy «Arman dala» lagerіne baryp, jaǵdaıymen tanysty. Bul jaıynda depýtat Nurgúl Taý áleýmettіk jelіde jazdy, dep habarlaıdy smartnews.kz saıty.
«Jazǵy lagerde balanyń demalýyna jaǵdaı jasalmaǵan, óreskel buzýshylyqtar oryn alǵanyna kýá boldym. Lager burynǵy saýna ǵımaratynda ornalasqan. Qyzmet kórsetýshі - «BelRıchı» JShS. Memlekettіk satyp alý shartyna sáıkes qyzmet kórsetý quny - 107,8 mln. teńge. Jospar boıynsha 1150 bala demalyspen qamtylýy tıіs.
Memlekettіk satyp alý protsedýrasy qalaı júrgіzіlgenі tóńіregіnde másele týyndaýyna baılanysty óz tarapymnan QR Bas prokýratýrasyna, Sybaılas jemqorlyqqa qarsy іs-qımyl agenttіgіne, Qarjy mınıstrlіgіnіń Ishkі memlekettіk aýdıt komıtetіne tekserý júrgіzý jónіnde saýal joldandy. Bul máselenі óz baqylaýyma aldym», - dep jazady depýtat.