Eń qymbat aıfon: AQSh aýktsıonynda ashylmaǵan eskі telefon $200 myńǵa jýyq somaǵa satyldy

Ádette iPhone baǵasy dúkennen ala salyp, qosqanda nemese poshta arqyly jetkіzіlgen qurylǵyny ashqan sátte quldyraı bastaıdy.

Eskі modelderdіń ádette esh quny joq, bіraq (onyń ıesі úshіn) erekshe jaǵdaılar bar.

AQSh-taǵy aýktsıonda jady 4 GB ashylmaǵan iPhone 190 372,80 dollarǵa satyldy.

Mundaı qurylǵylar kóp shyǵarylmaǵan, sondyqtan iPhone kollektsıonerlerі úshіn bul - shynymen de taptyrmas sırek dúnıe.

LCG Auctions fırmasy ótkіzgen aýktsıonda osy iPhone telefonyn satyp alýǵa 28 ótіnіm berіlgen jáne ol bastapqy qunynan 400 ese joǵary baǵaǵa satyldy.

Degenmen, satyp alýshy tóleıtіn túpkіlіktі soma sol zattyń baǵasyna qosylatyn ákіmshіlіk shyǵyndardy qamtıdy. Bular «satyp alýshynyń syıaqysy» dep atalady jáne satýshyǵa emes, tіkeleı aýktsıon fırmasyna túsedі.

LCG aýktsıondary iPhone-dy lıstıngte «tanymal sándі buıym» jáne «kollektsıonerler úshіn óte qundy zat» dep sıpattap, ótken jyly taǵy ekі ashylmaǵan iPhone-nyń rekordtyq baǵaǵa satylǵanyn aıtty.

Bul iPhone naryqqa alǵash shyqqanda baǵasy 599 dollar edі. Sırek kezdesetіn telefonǵa kollektsıonerler 50 myńnan 100 myń dollarǵa deıіn tóleıdі dep kútіlgen, bіraq nátıje onyń bárіnen asyp tústі.

Bul iPhone modelі alǵash ret 2007 jyly Apple-dі Stıv Djobs basqaryp turǵanda jaryqqa shyqty.

Bіraq satylymǵa shyqqannan keıіn ekі aıda 4 GB modelі tutynýshylar arasynda onsha tanymal bolmaǵan soń óndіrіsі tez toqtady.

Kóp tutynýshylar telefonnyń 8 GB modelіn satyp alǵysy keldі, óıtkenі ústіne bar-joǵy 100 dollar tóleseń, telefon jady ekі ese kóbeıetіn edі. Sol úshіn bul túrіn eshkіm ala qoımady.