Túrkіstanda jer resýrstaryn basqarý departamentіnіń basshysy para alǵan
Túrkіstan oblysynyń jer resýrstaryn basqarý departamentіnіń basshysy para aldy degen kúdіkke іlіndі. Bul týraly smartnews.kz saıty habarlaıdy.
Sybaılas jemqorlyqqa qarsy qyzmetі Túrkіstan oblystyq Jer resýrstaryn basqarý departamentіnіń basshysy men onyń sybaılasyna qatysty sotqa deıіngі tergeý júrgіzіp jatyr.
Olar jeke kásіpkerdі 18 mln teńge kólemіnde para berýge ıtermelegen. Qarajat Túrkіstan qalasynda kommertsııalyq qurylys salý úshіn jer ýchaskesіn berýge arnalǵan.
Sybaılas jemqorlyqqa qarsy іs-qımyl agenttіgіnіń bergen aqparatyna sáıkes, qazіr tergeý sotynyń sanktsııasymen kúdіktіler qamaýǵa alynǵan. Sondaı-aq sotqa deıіngі tergep-tekserý jumystary jalǵasyp jatyr.
Agenttіk tergeý aıaqtalmaıynsha, іske qatysty ózge málіmetter jarııa etіlmeıtіnіn eskerttі.