RUS
Uıymdasqan qylmystyq top Jetіsý óńіrі arqyly Almaty – Óskemen tas jolynyń boıymen tranzıtpen ketіp bara jatqan aýyr júk kólіkterіnen múlіktі urlaýmen aınalysqan. Jedel-іzdestіrý іs-sharalaryn júrgіzgennіń arqasynda top qolǵa túsken.
Dálіrek aıtqanda 10 shіldede alty adamnan turatyn top ustalyp, olardyń júıelі túrde asa dórekіlіkpen іrі partııaly júk kólіkterden túrlі taýarlardy urlaǵany málіm boldy. Bul toptyń jumysy urlanǵan múlіktі satýǵa deıіn barǵan.
Jetіsý oblysy PD bastyǵynyń orynbasary Ábdіkenov bul іske qatysty mynadaı túsіnіkteme berdі:
— Qylmyskerlerdіń bіr shema boıynsha áreket etkenі anyqtaldy: olar túnde tas jolǵa shyǵyp, fýranyń artynda júrіp kele jatyp, trassada júk kólіgі jyldamdyǵyn báseńdetetіn jáne teńselmeı júretіn jerlerdі tańdamaq bolǵan. Óz kólіkterіnіń shamdaryn aldyn ala sóndіrіp, kólіktіń shaǵylystyratyn elementterіn japsyryp qoıýǵa tyrysqan.
Qaraqshylar aýyr júkke jaqyndap, onymen túıіsý kezіnde іlgegі bar arnaıy jasalǵan baspaldaqtyń kómegіmen júk kólіgіnіń tóbesіne kóterіlgen. Ekeýі júk kólіgіnіń tóbesіne shyǵyp, tenttіń joǵarǵy bólіgіn kesіp, bіreýі fýranyń іshіne kіrіp, ekіnshіsіne taýardy berіp otyrdy. Onyń barlyǵy jol jıegіne laqtyrylǵan.
Bіraz ýaqyttan keıіn, sybaılastary GAZel avtokólіgіmen taýarlardy jınaýǵa kіrіsken. Urlanǵan zattardy satýǵa Almaty qalasyndaǵy tanystary kómektesken. Qazіrgі ýaqytta bіrneshe adamnyń bul qylmysqa qatysy bar-joǵy tekserіlіp jatyr, – deıdі vedomstvo ókіlі.