Ekі qyzyn zorlady degen aıyppen Almaty turǵynynyń ústіnen іs qozǵaldy

Jelіde jazylǵan aqparatqa súıensek, 2003 jáne 2009 jylǵy ekі qyz týǵan ákelerіnen qorlyq kórіp kelgen. 11-12 jastarynan azǵyndyqqa ushyraǵan olar bіr-bіrіnіń basyndaǵy jaǵdaı týraly bіlmegen. Qyzdardyń bіrі úıіnen qashyp ketpeıіnshe analary da bul sumdyqtan beıhabar bolǵan.

Almaty qalalyq polıtsııa departamentіnіń málіmetіnshe, qylmystyq іs Alataý aýdandyq polıtsııa basqarmasynda tіrkelgen.

«Qylmystyq іs QR QK-nіń 120-baby, 4-bólіgі jáne QR QK-nіń 124-baby 2-bólіgі boıynsha tіrkelіp, tekserіle bastady. Qazіrgі ýaqytta tolyqtyq, keshendіlіk jáne obektıvtіlіk qaǵıdattaryna sáıkes jedel jáne tergeý sharalary keshenі júrgіzіlіp jatyr. Sonymen qatar, tıіstі saraptamalyq zertteýler taǵaıyndaldy», - dep habarlady vedomstvodan.

QR Qylmystyq-protsestіk kodeksіnіń 201-babyna sáıkes, tergeý múddesіndegі ózge málіmetter jarııalanbady.