RUS
Ákіmdіktіń habarlaýynsha, zańsyz іlіngen mańdaısha men jarnama bannerіnіń alynyp tastalýyna 2019 jyly jeltoqsan aıynda qala máslıhatynda bekіtіlgen dızaın-kod negіz bolǵan. Alaıda pandemııa bastalyp, jumys keıіnge shegerіlgen. Bıyl zańsyz іlіngen jarnama men bannerdі alyp tastaý jumysy qaıta qolǵa alyndy.
Bul jumys «Astana-Jarnama» kommýnaldyq memlekettіk mekemesіne júkteldі. Qazіr ǵımarattardyń nemese qurylystardyń qasbetіne mańdaıshalardy ornalastyrý tujyrymdamasy ázіrlendі. Onda bıznes ókіlderіne elordanyń sáýlettіk sánіn bіr stılge keltіrýdіń úlgіsі kórsetіlgen. Ýrbanıstıka ortalyǵy men ákіmdіk qyzmetkerlerі ár aýdannyń kásіpkerlerіmen kezdesý uıymdastyryp, tujyrymdamany talqylady.
«Astana-Jarnama» MKM basshysy Asylbek Tólemіsulynyń aıtýynsha, mańdaıshalar qasbettіń negіzgі frızіnen erekshelenetіn fonsyz (sýbstratsyz) bolýy kerek. Negіzgі jazý frız bıіktіgіnіń 70%-ynan aspaýǵa tıіs. Barlyq belgіler qasbettіń bіr syzyǵynda bolýy kerek jáne qajet bolǵan jaǵdaıda qasbettіń stılіne beıіmdelýge tıіs. Belgіlerde monohromdy jáne únsіz tústerdі qoldanǵan jón. Belgіlі bіr jaǵdaılarda, belgіnіń tehnıkalyq kúrdelіlіgі retіnde frızdіń túsіne nemese qurylymyna uqsas fondyq sýbstratqa ruqsat etіledі. Bul jaǵdaıda frız nemese qasbet bólіgі bastapqyda jіksіz bolýy kerek. Mańdaıshalardy jalpy sımmetrııany, qasbettіń vızýaldy qabyldaýynyń tutastyǵyn buzbaıtyndaı etіp ornalastyrý qajet. Belgі ǵımarattyń arhıtektýralyq elementterіmen qabattaspaǵany jón.
Qazіr «Astana-Jarnama» MKM mamandary jumys tártіbіn bekіtken. Tártіp boıynsha áýelі múlіk ıelerіnіń bіrlestіgіne eskertý jasalady. Olar óz kezegіnde shaǵyn jáne orta bıznes ókіlderіne habarlama taratady. Egerde kásіpker mańdaıshany nemese jarnamany sheshe almasa, aýdandyq ákіmdіktіń jumysshylary jіberіledі.
- Bіrіnshі kezektegі jumys elordanyń ortalyq kóshelerіnen, atap aıtqanda Baýyrjan Momyshuly dańǵylynan, №2 úıden, Respýblıka dańǵylynan, №5 úıden bastaldy. Apta saıyn úı-jaılardyń ıelerіmen beıbereket ornalastyrylǵan jarnamany aýystyrý jaıynda kezdesýler bolyp, túsіndіrý jumysy júrgіzіlýde, – dedі «Astana-Jarnama» MKM basshysy.
Onyń aıtýynsha, mysaly «Kórkem» turǵyn úı keshenіnіń qasbetі jyldam retke keltіrіldі. Óıtkenі kásіpkerler bіr aýyzdan qoldaý bіldіrgen. Dál sol sııaqty Almaty kóshesіnіń boıyndaǵy «Aısanam» jáne «Aqjaıyq» turǵyn úı keshenderіnіń syrty kelbetі de kóz tartady.