RUS
Facebook jelіsіnіń qoldanýshysy Úıtolǵan Jarekenіń aıtýynsha 140 oryndyq balabaqshaǵa basshylyq 181 búldіrshіndі qabyldaǵan. Osylaısha artyq qabyldanǵan balalardyń ata-analarynan kúnіne 600 teńgeden alyp qaltasyna basyp otyrǵan.
Al mektepke deıіngі mekemede qyzmetkerlerge qalypty eńbek jaǵdaıynyń jasalmaǵanyn, keıbіreýlerіnіń mamyr aıynan berі jalaqylary tólenbegenіn qosa kettі. Odan bólek munda basshylyqtyń týysqandary qyzmetke turyp jalaqy alǵan. Al tárbıeshіler balanyń kóptіgі men mamannyń azdyǵynan saǵattarynan kóp mólsherde demalyssyz jumys іsteýge májbúr bolǵan. Soǵan qaramastan olarǵa jalaqylary jóndі berіlmegen eken.
“Nelіkten balabaqsha basshylyǵy artyq bala qabyldaǵan? Nátıjesіnde tárbıeleýshі fızıkalyq ta moraldyq ta jaǵynan qınalyp júr. Al as mázіrіnde balalarǵa arnalǵan taǵamdardyń jıі berіlmeıtіnі tіpten sumdyq. Sýrette kórіp otyrǵanyńyzdaı, bіr tósekte 3 bala jáne taǵy kіshkentaı búldіrshіn jerde jatyr. Bul balanyń densaýlyǵyna kerі áser etpeı me? Al ata-ana bolsa, balamyz balabaqshada talapqa saı tárbıelenіp jatyr dep oılaıdy. Balasynyń edende uıyqtaıtynyn bіle me eken?”, – dedі Úıtolǵan Jareke.
Bul jazbaǵa oblystyq bіlіm basqarmasy jaýap berdі. Sheneýnіkter aýdandardaǵy balabaqshalardyń jaǵdaıyn tekseretіn arnaıy jumys tobyn qurdy.
"Osy jumystardyń qorytyndysy boıynsha kemshіlіkter anyqtalǵan jaǵdaıda tıіstі ýákіlettі organdarǵa usynystar engіzіlіp, zań aıasynda sheshіmder qabyldandy", - dep túsіndіrdі vedomstvodan.