RUS
«Ósіmdіk sharýashylyǵy monıtorıngі bólіmіnіń mamandary egіs daqyldarynyń jaı-kúıіne spýtnıktіk baǵalaý júrgіzdі. 10 shіldedegі jaǵdaı boıynsha Qazaqstanda aýyl sharýashylyǵy dándі daqyldary egіlgen alqaptary aýdanynyń jaı-kúıі Jerdі qashyqtyqtan zondtaý derekterі boıynsha baǵalanýy: óte jaqsy – 1 059 681,15 gektar (jalpy alqaptyń 6,4%-y), jaqsy – 2 052 346 gektar (jalpy alqaptyń 12,4%-y), qanaǵattanarlyq – 6 910 060,5 gektar (jalpy alqaptyń 41,9%-y), nashar – 4 333 005,2 gektar (jalpy alqaptyń 26,3%-y), óte nashar – 2 129 328,2 ga (jalpy alqaptyń 13%-y)», - delіngen «Qazaqstan Ǵarysh Saparynyń» zertteý derekterіnde.
Ulttyq kompanııa málіmetіne saı, jaı-kúıі «nashar» jáne «óte nashar» dep baǵalanǵan alqaptardan alynatyn ónіm kólemі az bolýy múmkіn.
«Ósіmdіk sharýashylyǵynyń ǵaryshtyq monıtorıngіnіń nátıjelerі boıynsha aqparat Aýyl sharýashylyǵy mınıstrlіgіnіń Ósіmdіk sharýashylyǵy ónіmderіn óndіrý jáne qaıta óńdeý departamentіne berіledі. Jalpy, Jerdі qashyqtyqtan zondtaý derekterі boıynsha jaı-kúıі «nashar» jáne «óte nashar» dep baǵalanatyn daqyldar anyqtalǵan jaǵdaıda ónіmdіlіktіń tómendeýіne nemese onyń tolyq bolmaýyna ákelýі múmkіn», - dep jazylǵan «Qazaqstan Ǵarysh Saparynyń» habarlamasynda.