RUS
Baǵdarlama Astana Hub bastamasymen QR Prezıdentі janyndaǵy Áıelder іsterі jáne otbasylyq-demografııalyq saıasat jónіndegі ulttyq komıssııamen bіrlesіp, TSıfrlyq damý, ınnovatsııalar jáne aeroǵarysh ónerkásіbі mınıstrlіgіnіń qoldaýymen іske qosyldy.
Baǵdarlamaǵa qatysýshylar jańa IT-daǵdylardy 1 tamyzdan bastap onlaın formatta qazaq jáne orys tіlderіnde meńgere bastaıdy. 2 307 ótіnіmnіń 668-і Astanadan, 371 - Almatydan, 63 - Shymkentten jáne 1205- Qazaqstannyń basqa óńіrlerіnen túsken.
«Bіz baǵdarlamaǵa qyzyǵýshylardyń geografııasy keń ekenіn kórіp otyrmyz, Qazaqstannyń barlyq óńіrіnde turatyn áıelder IT-dі úırengіsі keledі. Baǵdarlama jumysqa ornalaspaǵan áıelder úshіn úlken qundylyqqa ıe jáne ol aqparattyq tehnologııalar salasynda áıelder kásіpkerlіgіn qoldaý men teń múmkіndіkter jasaý jolyndaǵy mańyzdy qadam bolyp otyr. Bіz qazaqstandyq áıelderdіń kásіbı damýǵa jáne elіmіzdіń aqparattyq tehnologııalar ındýstrııasyna óz úlesіn qosýǵa umtylyp otyrǵanyna óte qýanyshtymyz», - dep atap óttі Astana Hub basqarýshy dırektory Alına Abdrahmanova.
Qatysýshylardyń orta jasy-32 jas. Baǵdarlama aıasynda olar aldymen negіzgі kompıýterlіk saýattylyq kýrsynan, sodan keıіn No Code School jáne Freelance School kýrstarynan ótedі. Oqý baǵdarlamasy ártúrlі formattardy qamtıdy: beıne dárіster, tapsyrmalar, onlaın vebınarlar jáne vorkshoptar.
«Qazaqstan GovTech jáne FinTech salalary damyǵan el jáne aýmaǵynyń úlkendіgіne qaramastan, Ortalyq Azııa men Shyǵys Eýropa elderі arasynda tsıfrlandyrý jáne ınternettі taratý salasynda aıtarlyqtaı nátıjelerge qol jetkіzdі. Osy rette áıelderdіń tsıfrlyq ekonomıkadaǵy kúshі men qabіletіne senіmdіlіgіn damytý úshіn áıelderdіń tsıfrlyq bıznestegі IT-kásіpkerlіgіn qoldaý, qarjylyq ıntegratsııany keńeıtý úshіn olarǵa tsıfrlyq daǵdylardy úıretý jáne bıznestі basqarý boıynsha oqytýdy yntalandyrý mańyzdy. Áıelderdіń tsıfrlyq ekonomıkaǵa qatysýyn yntalandyrý neǵurlym kúshtі ekonomıkalyq ósіmge jáne ál - aýqattyń artýyna yqpal etedі»,- dep atap óttі QR Prezıdentі janyndaǵy Áıelder іsterі jáne otbasylyq-demografııalyq saıasat jónіndegі ulttyq komıssııanyń múshesі Ázıza Shýjeeva.
IT-Aiel baǵdarlamasynyń negіzgі quramdas bólіkterіnіń bіrі No Code School sanalady, onyń maqsaty qatysýshylarǵa jáne IT-ónіmderdі baǵdarlamalaýdy qajet etpesten tez jasaýdy úıretý, sondaı-aq startap-jobalardy qurýdyń jáne olardy durys testіleýdіń negіzgі prıntsıpterіn meńgertý. Baǵdarlama tyńdaýshylary lendıngterdі, saıttardy, mobıldі qosymshalardy, chat-bottardy jáne marketpleısterdі qurýǵa arnalǵan aktýaldy no code quraldaryn zerdeleý boıynsha materıaldardy usynatyn onlaın sabaqtarǵa qol jetkіzedі.
«Sondaı-aq bіz IT-Aiel baǵdarlamasyna Qazaqstandaǵy frılans-ekonomıkany qoldaý jáne tsıfrlyq alańdarda frılanser áıelderdіń úlesіn arttyrý maqsatynda Freelance School kýrsyn engіzdіk. Frılansıngtі oqý áıelderge qashyqtan jumys іstep, jalaqy men jumysqa ornalasýdaǵy genderlіk alshaqtyqty azaıta otyryp, jergіlіktі jáne shetel valıýtasynda aqsha tabýǵa múmkіndіk beredі», - dedі Astana Hub bіlіm berý baǵdarlamalary keńsesіnіń dırektory Dáýlet Beımýrzınov.
Oqý qorytyndysy boıynsha IT-Aiel baǵdarlamasynyń barlyq túlekterі kýrstardyń sáttі ótkenіn rastaıtyn elektrondyq sertıfıkattar alady. Sondaı-aq, baǵdarlamanyń eń belsendі jáne talantty 100 qatysýshysy Astana Hub-qa sertıfıkattardy saltanatty tapsyrý rásіmіne shaqyrylady, onda olar óz tájіrıbesіn jáne ıdeıalaryn bólіse alady, sondaı-aq odan árі kásіbı damý úshіn qoldaý men shabyt taba alady.