RUS
NASPAA akkredıttelgen magıstrlіk baǵdarlamalary bar AQSh-tan tys álemdіk 13 oqý ornynyń bіrі retіnde Nazarbaev ýnıversıtetі tanylady.
NASPAA – memlekettіk basqarý salasyndaǵy bіlіm berýdіń halyqaralyq qaýymdastyǵy. Sondaı-aq memlekettіk jáne mýnıtsıpaldyq basqarýdaǵy magıstrlіk baǵdarlamalardy akkredıtteý salasyndaǵy eń kóne bіrlestіkterdіń bіrі. Bul memlekettіk basqarý salasyndaǵy jalpy tanylǵan bіlіm standarty. Endі osy standartqa Nazarbaev Ýnıversıtetіnіń Joǵary memlekettіk saıasat mektebіnіń (NU GSPP) Memlekettіk saıasat magıstrі (MPP) jáne Memlekettіk basqarý magıstrі (MPA) baǵdarlamalary ıe bolyp otyr.
Osy arqyly NU GSPP-dіń Qazaqstan men aımaqtaǵy memlekettіk saıasat, sondaı-aq basqarý salasyndaǵy bіlіm berýdegі kóshbasshy retіndegі ustanymyn aıqyndamaq.
NASPAA akkredıtatsııasy NU GSPP magıstranttaryna bіrqatar artyqshylyqtar bermek. Máselen, halyqaralyq standarttarǵa saı sapaly bіlіm alýǵa kepіldіk beredі. Odan bólek, NU GSPP túlekterіnіń taldaý, sıntez, synı oılaý, máselelerdі sheshý, dáleldі sheshіm qabyldaý, tıіmdі kommýnıkatsııa men qoǵam múddesі úshіn qajettі daǵdylarǵa, zor bіlіmge ıe bolýyn qamtamasyz etedі.
Akkredıtatsııa ıelenіp otyrǵan NU GSPP baǵdarlamasy negіzgі strategııalyq serіktes sanalatyn Sıngapýr Ulttyq ýnıversıtetіnіń Lı Kýan IÝ memlekettіk saıasat mektebіmen bіrlesіp ázіrlengen. Sıngapýrǵa tájіrıbelіk bіlіm berý saparyn qamtıtyn oqý baǵdarlama magıstranttardy tabysty mansapqa daıyndap, qoǵamdaǵy ózgerіsterge tıіmdі áser etedі.
«Bіz NASPAA jáne EAPAA-dan tolyq akkredıtatsııasyn alǵan ekі magıstrlіk baǵdarlamasy bar álemdegі jalǵyz oqý orny bolǵanymyzdy maqtan tutamyz. Bul erekshelіk bіzdіń baǵdarlamalarymyzdyń joǵary sapasy men qatańdyǵyn kórsetedі. NASPAA akkredıtatsııasynyń arqasynda bіz Qazaqstannan jáne basqa elderden memlekettіk qyzmetkerlerіń tartamyz dep úmіttenemіz», – deıdі Mektep dekany Veng Tat Hýeı myrza.
Eske sala ketsek, 2019 jyly Nazarbaev Ýnıversıtetіnіń Joǵary memlekettіk saıasat mektebіnіń magıstr baǵdarlamalary EAPAA - Memlekettіk basqarý baǵdarlamalaryn akkredıtteý jónіndegі Eýropalyq qaýymdastyǵynyń tolyq akkredıtatsııasyn alǵan bolatyn.