RUS
Shyńǵyrlaý aýylynyń buryn ekі ret qylmystyq jaýapkershіlіkke tartylǵan turǵyny bostandyqqa shyqqannan keıіn eskі ádetіn qaıta bastaǵan. Ol kólіk jóndeý ortalyǵy ıesіnen aqsha bopsalaǵan.
BQO PD uıymdasqan qylmysqa qarsy kúres basqarmasynyń qyzmetkerlerі jedel-іzdestіrý іs-sharalaryn júrgіzý barysynda aýyl turǵynynyń qylmystyq іs-áreketіn áshkereledі.
Anyqtalǵanyndaı, 42 jastaǵy kúdіktі 20 maýsym men 16 shіlde aralyǵynda ózіnіń 34 jastaǵy kórshіsіne kúsh qoldaný arqyly qaýіp tóndіrіp, jábіrlenýshіden aqshalaı qarajat bopsalaǵan. Jeke tіntý barysynda ustalǵan adamnan jábіrlenýshіden alǵan 60 myń teńgesі, sonymen qatar erekshe ıіsі bar qara-jasyl zaty bar qaǵaz býmasy jáne ORRO telefony tabylyp, tárkіlendі. 42 jastaǵy kúdіktі buryn qylmystyq jaýapkershіlіkke tartylyp, 18 jylǵa jýyq bas bostandyǵynan aıyrý oryndarynda otyrǵan. Belgіlі bolǵandaı, mundaı uzaq merzіmge bas bostandyǵynan aıyrý tıіstі nátıje bermeı, bostandyqqa shyǵyp, taǵy da qylmystyq jolǵa túsken. Atalǵan faktі boıynsha QR QK-nіń 194-baby (Qorqytyp alý) boıynsha sotqa deıіngі tergeý amaldary júrgіzіlіp jatyr.