Mańǵystaý oblysynda «QazAzot» kásіpornynda aýaǵa gaz atqylady
21 shіlde kúnі 19:11 shamasynda Mańǵystaý oblysy boıynsha ekologııa departamentіne «QazAzot» AQ-dan shuǵyl habar túsken.
Onda № 4 agregatty іske qosý protsesіnde SAK tsehynda absorbtsııa baǵanyna sý berý jelіsіnde bekіtý armatýrasynyń plashkasy keptelіp qalǵany jáne baǵanǵa tuzsyzdandyrylǵan sýdyń shekteýlі berіlýіnіń saldarynan ǴTR buzylǵany aıtylady.
Sonyń saldarynan 5 mınýt boıy atmosferaǵa nıtrozdy gaz bólіngen.
Mańǵystaý oblysy boıynsha ekologııa departamentі «QazAzot» AQ-ǵa jospardan tys tekserý júrgіzedі.
Sonymen qatar zańda belgіlengen tártіppen qajettі sharalar qabyldanady.
«Atqarylǵan jumystyń nátıjesі qosymsha habarlanady» dep málіmdedі departament.