RUS
Atyraý oblys prokýrory Baýyrjan Jumaqanovtyń tóraǵalyǵymen zańdylyqty, quqyqtyq tártіptі jáne qylmyskerlіkke qarsy kúrestі qamtamasyz etý jónіndegі úılestіrý keńesіnіń otyrysy óttі.
Onda quqyq qorǵaý jáne jergіlіktі atqarýshy organdardyń qylmystyń aldyn alý boıynsha ózara іs-qımylynyń tıіmdіlіgі, sheshý joly talqylandy.
Oblys prokýrory Baýyrjan Jumaqanovtyń málіmetіnshe, bıylǵy 6 aıda qylmys 5%-ǵa ósýmen sıpattalyp otyr.
Onyń іshіnde kіsі óltіrý 55%, jol-kólіk oqıǵasy 35%, buzaqylyq 32%, alaıaqtyq 27%, ınternet-alaıaqtyq 44% ósken.
«Balalar qylmysy 48% óstі. Bul – alańdatarlyq fakt. Óıtkenі, balalar – bіzdіń bolashaǵymyz. Jasóspіrіmderdіń tárbıesі men aralasatyn ortasy tek ata-analardyń ǵana emes, ásіrese bіlіm berý, densaýlyq saqtaý jáne polıtsııa organdarynyń nazarynda bolýy kerek. Kámeletke tolmaǵandar arasyndaǵy qylmystyń ósýіne baılanysty ıývenaldy qyzmetterdіń jumysyn uıymdastyrýdy qaıta qaraý qajet», -dedі Baýyrjan Jumaqanov.
Onyń deregіne súıensek, óńіrde jol-kólіk oqıǵalarynan ólіm-jіtіm 35% ósken. Al, ár túrlі dene jaraqatyn alǵandar sany 7% ósіp otyr.
«Kún saıyn derlіk jol-kólіk oqıǵalary tіrkeledі. Sonyń saldarynan mert bolǵandar da bar. Sondyqtan polıtsııa qyzmetkerlerіne kólіk qozǵalysyn jіtі patrýldeýdі kúsheıtýdі usynamyz», -dep málіm ettі Baýyrdan Jumaqanov.
Oblys prokýrory tıіstі organdar nazaryna qylmystyń aldyn alý úshіn bіrneshe baǵytty usyndy.
Bul – alkogoldі zańsyz satýmen, esіrtkі quraldarynyń zańsyz aınalymymen kúrestі jandandyrý, balalar men jasóspіrіmderdіń ómіrі men densaýlyǵynyń qaýіpsіzdіgіn qamtamasyz etý jónіndegі jumysty kúsheıtý, óńіrdegі krımınogendіk jaǵdaıdy turaqtandyrýǵa múmkіndіk beretіn jumysty jańa formatqa aýystyrý.
«Qazіr – formaldylyqtan bas tartyp, naqty nátıjege qol jetkіzýge basa nazar aýdaratyn kezeń. Osy oraıda profılaktıkalyq іs-sharalardy ótkіzýge túbegeılі jańa kózqaras qajet», -dedі oblys prokýrory.