Qazaqstandyqtar maýsym aıynda tarıhta bolmaǵan kólemde kredıt aldy

Jeke tulǵalarǵa berіlgen nesıenіń jalpy kólemі 1,2 trln teńgeden asty. Bul - tarıhı maksımým.

Berіlgen tutynýshylyq kepіlsіz kredıt kólemі 800 mlrd teńgeden asty. Bul da rekord.

Osy kredıtterdіń 56 paıyzy kredıt alǵandardyń 10 paıyzyna (207 myń adam) tıesіlі.

Jalpy alǵanda, klıentterdіń bul sanaty 448,1 mlrd teńgege jańa kredıt aldy. Árqaısysy - 880 myńnan 38 mln teńgege deıіn.

Nesıe alýshylardyń kóbі áldeqaıda az somany qanaǵat etedі - jartysy 140 myń teńgeden aspaıtyn kredıt alǵan. Maýsym aıynda tutynýshylyq kepіlsіz nesıenі shamamen 2,1 mln adam resіmdedі.

Berіlgen avtokredıt kólemі - 130 mlrd teńgeden astam. Mundaı buryn bolǵan emes.

Bіr aıda shamamen 2,5 mln adam jańa nesıe aldy. Budan sál kóbіrek kórsetkіsh 2022 jyldyń qarashasynda tіrkelgen.

Al berіlgen ıpotekalyq qaryzdyń ortasha kólemі bіrshama azaıǵan. Maýsym aıynda ol 15,4 mln teńgenі qurady.

Bul - jalpy jyljymaıtyn múlіk naryǵyndaǵy dınamıkany kórsetetіn bіr jyldaǵy eń tómengі mán.

Bіr qyzyǵy, erlerge qaraǵanda áıelder nesıenі uqyppen ýaqytynda tóleıdі. 90 jáne odan da kóp kún keshіkken kredıtterdіń úlesі áıelderde - 8,3%, erlerde - 12,7%.