RUS
Ótіp bara jatqan adam ıesіz ıttіń qoqystan bіr dorbany shyǵaryp, aýzynda tіstep turǵanyn kórіp qalady.
Qara qapshyqtan balanyń qystyǵyp jylaǵan daýsy estіledі.
Ol qyzdy dereý Trıpolı memlekettіk aýrýhanasyna jetkіzdі.
Jelіde taraǵan fotosýretten nárestenіń betі men denesіnde qyzarǵan jáne kógergen jaraqat іzі bar ekenіn kórýge bolady.
Balanyń jasy týraly qarama-qaıshy derekter aıtyldy.
Keıbіr aqparat kózі onyń shamamen 4 aılyq ekenіn habarlasa, basqalary qoqysqa tastaǵannan bіrneshe saǵat buryn ǵana dúnıege kelgen shaqalaq dep málіmdedі.
Internette osy habar taraǵan kezde kóptegen áleýmettіk jelі qoldanýshylary qyzdy asyrap alǵysy keletіnіn jazdy.
«Keıbіreýler ıttі taza emes janýar deıdі. Árıne, bul olaı emes, — dep jazdy bіr qoldanýshy áleýmettіk jelіde. - Ittіń adam keıpіndegі keıbіr mýtanttarǵa qaraǵanda adamgershіlіgі, meıіrіmі, qýlyǵy men aqyl-oıy áldeqaıda kóp».
«Janýarlar adamǵa qaraǵanda áldeqaıda janashyr», — dep jazdy taǵy bіreýі.
Jergіlіktі BAQ qyzdyń jaǵdaıyn aýyr, bіraq turaqty dep habarlady.
Aýrýhana qosymsha aqparat bergen joq, óıtkenі sársenbіden berі el ıslam Jańa jylyn toılap jatyr, ıaǵnı memlekettіk mekemeler merekege baılanysty jabyq.
Polıtsııa bul oqıǵany zerttep, balany tastap ketkenderdі іzdep jatyr