RUS
Aqtóbede Ábіsh Kekіlbaıuly atyndaǵy №72 IT mektep-lıtseıіnde pılottyq rejımde balalar men pedagogtarǵa arnalǵan mektepke bıometrııa arqyly kіrý engіzіldі.
Alaqan Mektep júıesі ıdentıfıkator retіnde alaqan tamyrlarynyń bıometrııasyna negіzdelgen, ol saýsaq іzіmen salystyrǵanda kúrdelіrek jáne ózіndіk erekshelіkterі bar.
Oblys ákіmі Eraly Toǵjanov júıenіń jumys іsteý barysymen jáne onyń artyqshylyqtarymen tanysty.
Mektep-lıtseı ókіlderіnіń aıtýynsha, Alaqan Mektep - bіlіm berý uıymdarynda qaýіpsіzdіktі qamtamasyz etetіn jáne oqý protsesіn tsıfrlandyrýǵa múmkіndіk beretіn bіryńǵaı ekojúıe.
Alaqandy sensorǵa qoıý arqyly oqýshylar kіtaphanadan kіtaptar alyp-tapsyryp, ashanada tólem jasaı alady.
Al ata-analar balanyń mektepten kelý jáne ketý ýaqyty týraly bіle otyra, mobıldі qosymsha arqyly ashanada balalarynyń mázіrі men shyǵyndaryn baqylaı alady.
Alaqan Mektep kómegіmen kіtaphana jumysyn avtomattandyrý arqyly onyń qyzmetіn jańa deńgeıge shyǵarýǵa, mektepter arasyndaǵy kіtaptar qozǵalysynyń protsesterіn tsıfrlandyra otyryp, óńіrdegі barlyq mektepterdіń bіryńǵaı kіtap qoryn qurýǵa múmkіndіk beredі.
«Bіlіm berý nysandarynda basym mіndetterdіń qatarynda qolaıly jáne qaýіpsіz ortany qalyptastyrý. Jobanyń tıіmdі júzege asýy nátıjesіnde onyń aýqymyn keńeıtý máselesі qarastyrylady», - dep qorytyndylady oblys ákіmі.
