«Psıhonevrologııalyq esepte turady»: Aqtaýda tún ortasynda janushyra kómek surap jylaǵan qyzǵa qatysty jańa derekter shyqty

Kúdіktі jіgіttіń jaqyndarynyń aıtýynsha, ol qyzben tanysqysy kelgen. Jіgіttіń jaman oıy bolmaǵan. Jіgіttіń jaqyndary onyń psıhıkalyq aýytqýy baryn jáne qazіrgі ýaqytta psıhonevrologııalyq dıspanserde emdelіp jatqanyn aıtqan. 

«Ol kelіp, «Qaryndas, sіzben tanysýǵa bola ma? Telefon nómіrіńіzdі berіńіzshі» deıdі. Qyz qashyp ketken, bіraq ol ózі polıtsııaǵa baryp qyzben tanysqysy kelgenіn aıtqan. Bala kúnіnen aqyl-esі kem, ol psıhonevrologııalyq dıspanserde esepte turady. Qyz túsіnіkteme jazyp, eshqandaı shaǵymy joǵyn aıtqan», - deıdі kúdіktіnіń anasy. 

Eske salaıyq, buǵan deıіn Aqtaýda qyzdyń kómek surap janushyra jylaǵan vıdeosy taraǵan bolatyn. Vıdeo áleýmettіk jelіde jarııalandy. Kadrlardan er adam qyzdyń qolynan jіbermeı ustap turǵany, al qyz «kómektesіńder» dep aıqaılap jylaǵany kórіnedі. Oqıǵa 11-shaǵynaýdanda Yntymaq alańynda bolǵan.

Mańǵystaý polıtsııasy oqıǵaǵa qatysty pіkіr bіldіrdі. Vedomstvonyń málіmetіnshe, qyzdyń telefony urlanǵan.

«20 shіldede saǵat 2:30 shamasynda «102» kezekshі pýltіne belgіsіz bіreý jábіrlenýshіnі qorqytyp, onyń «Samsýng» markaly uıaly telefonyn urlap, oqıǵa ornynan qashyp ketkenі týraly qońyraý tústі. Osylaısha, kúdіktі 100 000 teńge kólemіnde materıaldyq shyǵyn keltіrgen», - dep habarlady vedomstvo.