Qaraǵandylyq kásіpker jerdіń qurtynan tabys taýyp otyr
Kalıfornııa qurty qaraǵandylyq kásіpker Nurbek Oralov úshіn tabystyń kózі bolyp otyr. Ol sáýіr aıynda aýlasynan arnaıy oryn daıyndap, qurtty óndіrіske jіbergen. Odan alǵan bıogýmýs egіstіk jerdіń qunaryn arttyrady.
Kalıfornııalyq jerdіń qurttary shіrіgen organıkalyq zattardy «jeý» arqyly jerdіń quramyn gýmýspen baıytyp, qunarly qara topyraqqa aınaldyrady.
Oǵan kúndelіktі tórt túlіktіń tezegіn salyp qorytady. 4 aıda ónіm paıda bolady.
«IÝtýb arqyly qarap taýyp aldym da, sodan byltyr shіlde aıynda bastadym. Sodan ekі qorabyn alyp, tájіrıbe jınadym. Keıіn Kazverm degen koperatıv ashyldy Almatyda. Soǵan qabyldanyp, oqýyn oqyp sertıfıkat aldyq», - deıdі kásіpker Nurbek Oralov.
Kalıfornııa shylaýshyny kón astynda 16 jyl ómіr súredі. Tyńaıtqysh óndіrý protsesіn toqtatpaıdy.
Bıogýmýska aınalǵan soń topyraq arnaıy úkkіshten ótedі. Byltyr kásіpker 30 qap tyńaıtqysh shyǵarǵan.
Satyp eńbegіnіń jemіsіn kórіptі. Endі bıyl kásіbіnіń aýqymyn keńeıtpek.
«990 mln Qazaqstannyń gektar jerі tozyp ketken. 30 mln gektar jer múldem jaramsyz bolyp qalǵan. Qazіr mynaý selıtra degen mıneraldy tyńaıytqysh adam ómіrіne zııan. Ol - hımııalyq tyńaıytqysh. Al mynaý tabıǵı taza tyńaıtqysh», - deıdń kásіpker.
Nurbek Oralovtyń baqshasynda kókónіs, jemіs-jıdekter barshylyq.
Qunarlandyrý ádіsіmen alynǵan topyraqqa qııar, qyzanaq, qyryqqabat, sábіz, qyzylsha ekken. Bıyl mol ónіm kútіp otyr.
«Myna bіzde qalaı? Aýyldarda mysaly maldan shyqqan kóńdі shyǵaryp tastap jatady. Buryn baqshaǵa jaıyp paıdalanýǵa bolatyn. Qazіr halyq túsіnbeı barady muny. Bul negіzі keleshegі zor bıznes. Básekeles degen bolmaıdy, satatyn jerler degen jetedі. Ár qazaq aınalyssa tabysqa jeter edі», - deıdі Nurbek Oralov.
Kásіpker osy bıznesten memleketten qoldaýǵa ıe boldy.
2 paıyz jeńіldіkpen nesıe aldy. Onyń ústіne bıogýmýska sýbsıdııa da berіle bastaǵan.
Bul - babyn bіlgenge jer qurty da baılyq bereke ekenіnіń kórіnіsі.
