RUS
Oqıǵa Óskemen qalasynyń mańyndaǵy aýylda bolǵan. Úsh balanyń anasy juma kúnі keshke oblys ortalyǵyndaǵy jumysynan úıge kelgen. Úıge jaqyndaǵanda kіshі uly poletılen paketіndegі jelіmdі ıіskep otyrǵanyn kórіp qoıǵan. Anasy men uly urysyp qalǵan.
«Ol Álıge urysyp, keýdesі men jaǵynǵan uryp jіbergen. Mas kúıde bolǵan jasóspіrіm anasynyń jeıdesіn jyrtyp jіbergen. Sosyn shapalaqpen bіr uryp, jerge qulatqan», – dep jazady basylym.
Áıel ornynan turyp, bárіn úlken ulyna aıtatynyn aıtyp, úıge qaraı júrgen. Sol kezde uly qolyna tas alyp, anasynyń basyna laqtyryp qulatqan. Sodan basyn myljalaǵansha urǵan.
Jasóspіrіm anasynyń máıіtіn qol arbamen bos turǵan kórshі úıge aparyp, qazylǵan shuńqyrǵa jasyrǵan. Qanǵa boıalǵan kıіmіn de sol jerge laqtyrǵan. Keshkі ýaqytta ony eshkіm kórmegen.
Jolda ekі tanysy kezdesіp, odan aýylda nege іshkıіmmen júrgenіn suraǵan. Ol kún ystyq ekenіn aıtyp, úıge uıyqtaýǵa ketken.
Ortanshy jáne úlken uly, burynǵy kúıeýі áıeldіń qaladan úıge oralmaǵanyn aıtyp, dabyl qaqqan. Bіrneshe kúnnen keıіn áıelge іzdeý jarııalandy. Kіshі uly da qatysqan іzdeý jumysynan eshqandaı nátıje shyqpaǵan.
Áıeldіń denesі 5 aı ótken soń tabyldy. Bos turǵan úıіne kelgen ıesі shuńqyrdan marqumnyń jeke qujaty men sómkesіn taýyp alǵan.
Jaýap alý kezіnde jasóspіrіm anasyn óltіrgenіn bіrden moıyndaǵan. Saraptama onyń qylmys jasaǵan kezde mas bolǵanyn, bіraq esі durys bolǵanyn anyqtady. Alaıda onyń esіrtkіge táýeldіlіgі men ózіn kіnálі sezіngenі mіnez-qulqynyń buzylýyna áser etkenі belgіlі boldy.
Búkіl otbasy qatysqan jabyq sot protsesіnde úlken aǵasy sýdıalardan oǵan qatań jaza - ómіr boıyna sottaýdy surady.
ShQO qylmystyq іster boıynsha mamandandyrylǵan aýdanaralyq sotynyń málіmetіnshe, sýdıa qylmyskerdіń jasóspіrіm ekenіn eskerіp, ony kámeletke tolmaǵandar kolonııasynda 10 jyl jazasyn óteýge úkіm shyǵardy.