RUS
19 shіlde kúnі Máskeýde kommertsııalyq emes uıym jetekshіlerіnіń kezdesýі óttі. Kezdesýde Reseıdіń SIM Sergeı Lavrov orys tіlі men mádenıetіn shetelde nasıhattaý jónіnde sóz sóıledі. Baıandamasynda Lavrov TMD keńіstіgіndegі jaǵdaılar kúrdelenіp kettі dep baǵa berdі. Mınıstrdіń bulaı deýіne Qyrǵyzstannyń qyrǵyz tіlі mártebesіne qatysty qabyldaǵan zańy túrtkі bolǵan. Ol bul zań arqyly Qyrǵyzstandaǵy orys tіlіnіń mártebesі tómendeıdі dep qorqady.
«Bіrneshe aı buryn Qyrǵyzstan zań qabyldady. Bul ıdeıa paıda bolǵan sátte-aq bіz saıası dostarymyzǵa Qyrǵyzstanda qyrǵyz tіlіn jappaı mіndetteý – demokratııaǵa saı emes ekenіn eskerttіk», – deıdі Sergeı Lavrov.
Eske sala ketsek, 17 shіldede Qyrǵyzstan prezıdentі Sadyr Japarov jańa zańǵa qol qoıǵan. Zańda budan bylaı memlekettіk qyzmetkerler, depýtattar, ulttyq bank qyzmetkerlerі, kúsh qurylymdary, sot, prokýratýra, advokattar, notarıýstar, oqý oryndarynyń qyzmetkerlerі, medıtsına qyzmetkerlerі memlekettіk tіl – qyrǵyz tіlіn bіlýge, sondaı-aq qyzmetіn oryndaý kezіnde paıdalanýǵa mіndettі sanaldy.
Zańda orys tіlіne qatysty dıskrımınatsııa joqtyǵyna qaramastan, Reseı SIM-і jańa zańnyń qabyldanýyna osylaı narazylyǵyn bіldіrgen.