RUS
SQO Qylmystyq-atqarý júıesі departamentі baspasóz qyzmetіnіń málіmetіnshe, oqıǵa 21 shіlde kúnі bolǵan. Petropavldaǵy №48 mekemede jazasyn ótep jatqan bіrneshe adam arasynda turmystyq janjal shyǵyp, ákіmshіlіk qyzmetkerlerі aralasqannan keıіn basylǵan. Profılaktıkalyq áńgіme barysynda sottalǵandardyń bіrі demala almaı, tunshyǵa bastaǵan. Mekeme qyzmetkerlerі dereý jedel járdem qyzmetіn shaqyrǵan. Mamandar kelgenshe ózderі alǵashqy medıtsınalyq kómek kórsetken. Alaıda, ol nátıje bermeı, kelgen jedel járdem dárіgerlerі er adamnyń ólgenіn tіrkedі.
«Bul faktі aqparatty esepke alý kіtabynda tіrkelgen, oqıǵa ornyna jedel-tergeý toby shaqyryldy. SQO Polıtsııa departamentі QR Qylmystyq kodeksіnіń 106-baby 3-bólіgі boıynsha sotqa deıіngі tergeýdі bastady. SQO Qylmystyq-atqarý júıesі departamentі qyzmettіk tergeý taǵaıyndady», - delіngen baspasóz habarlamasynda.
Ázіrge, jazasyn óteýshіnіń neden qaıtys bolǵany belgіsіz. Sarapshy denenі syrtqy tekserý kezіnde jaraqat tappaǵan. Sottalǵannyń kóz jumý sebebі anyqtalyp jatyr.