Elіmіzde jarty jylda 16,6 myńnan astam turǵyn úı paıdalanýǵa berіldі
Bıylǵy alty aıda Qazaqstanda aýmaǵy 7,1 mln m2 astam turǵyn úı paıdalanýǵa berіldі. Bul 2022 jyldyń osy kezeńіmen salystyrǵanda 11,3% artyq, dep habarlaıdy smartnews.kz saıty.
Ulttyq statıstıka bıýrosynyń málіmetіnshe, ótken alty aı men bıylǵy jarty jyldy salystyratyn bolsaq, óńіrler arasynda jańadan paıdalanýǵa berіlgen turǵyn úılerdіń aýdany boıynsha Abaı oblysy kósh bastap tur: ósіm – 56,3%. Odan keıіngі orynda 43,4% ósіmmen Shymkent qalasy, 39% – Jetіsý oblysy.
2023 jyldyń qańtar-maýsym aılary aralyǵynda elіmіz boıynsha 16 677 turǵyn úı nysany іske qosyldy. Onyń іshіnde 16 083 – jeke úı, 574 – kóppáterlі úı, qalǵan 20 – jataqhana.
Kópqabatty úılerde 63,1 myń páter paıdalanýǵa berіldі. Bul ótken jylmen salystyrǵanda 15,1% artyq. Kópqabatty úılerdіń 7,6%-yn memlekettіk qurylys kompanııalary, 91,2%-yn jeke kompanııalar, 1,2%-yn sheteldіk kompanııalar salǵan.
Sonymen qatar aýyldyq jerlerde de turǵyn úılerdі paıdalanýǵa berý boıynsha ósіm baıqaldy. Máselen, 2023 jyldyń qańtar-maýsym aılarynda aýyldarda 1,6 mln m2 astam turǵyn úı berіldі. Bul 2022 jyldyń sáıkes kezeńіmen salystyrǵanda 10,7% artyq.