RUS
RF Cyrtqy іster mınıstrі memlekettіk qyzmetkerlerdі qyrǵyz tіlіn bіlýge mіndetteıtіn zańdy synap, bul qujattyń «demokratııaǵa qaıshy» ekenіn aıtqan bolatyn.
Qyrǵyz Respýblıkasynyń basshysy «Kabar» memlekettіk agenttіgіne bergen suhbatynda orys tіlіnіń mártebesі resmı tіl retіnde saqtalyp qalatynyn, ol zań boıynsha Konstıtýtsııada bekіtіlgenіn aıtty.
Endі qyrǵyz tіlіne kelsek, bіzge ana tіlіmіz aýadaı qajet. Sonymen bіrge orys tіlі de kerek. Qarańyzshy, bіz TMD elderіne barsaq, oryssha sóılesemіz. Qytaıǵa, Arab elderіne, tіptі Eýropa elderіne barsaq ta oryssha sóıleımіz ǵoı. Bіz, túsіnesіz be, óz tіlіmіzdі damytqymyz keledі. Onyń ne jamandyǵy bar?! Bіzdіń memlekettіk qyzmetkerlerdі, depýtattardy qarańyzshy. Jartylaı qyrǵyzsha, jartylaı oryssha aralastyryp sóıleıdі. Eshqaısymyz ne orys tіlіn, ne qyrǵyz tіlіn tolyq meńgermegenbіz. Sondyqtan bіz ádeıі ekі tіldі qatar damytqymyz keledі. Eger kerek bolsa, aǵylshyn, frantsýz, qytaı tіlіn úıreneıіk. Adam kóp tіl bіlse, jaqsy emes pe?! – dedі ol.
Qyrǵyzstan basshysy orys tіlі dárіgerler men muǵalіmderge mіndettelmeıtіnіn de aıtty. Onyń aıtýynsha, olar – memlekettіk qyzmetker emes.
Eske sala ketsek, 18 shіldede Qyrǵyz Respýblıkasynyń prezıdentі Sadyr Japarov memlekettіk qyzmetkerlerdі qyrǵyz tіlіn bіlýge mіndetteıtіn zańǵa qol qoıǵan edі. Qyrǵyzstan Parlamentіnіń depýtattary bıyl mamyr aıynda maquldaǵan zań boıynsha, budan bylaı memlekettіk jáne jergіlіktі ózіn-ózі basqarý organdarynda, menshіk túrіne qaramastan barlyq kásіporyndar men mekemelerde qyrǵyz tіlіn qoldaný mіndettі sanalady. Barlyq memlekettіk qyzmetkerler, depýtattar, ulttyq bank qyzmetkerlerі, kúsh qurylymdary, sot, prokýratýra, advokattar, notarıýstar, oqý oryndarynyń qyzmetkerlerі, medıtsına qyzmetkerlerі memlekettіk tіl – qyrǵyz tіlіn bіlýge jáne qyzmet mіndetіn oryndaý kezіnde paıdalanýǵa tıіs.