RUS
Oblystyq polıtsııa departamentіnіń Esіrtkі qylmysyna qarsy іs-qımyl basqarmasy men Qarabalyq aýdandyq polıtsııa qyzmetkerlerі jáne Qostanaı oblysy boıynsha UQK Shekara qyzmetіnіń qyzmetkerlerі «Qarasora 2023» jedel aldyn alý sharasy aıasynda reseılіkten esіrtkі zattaryn tárkіledі. Ol marıhýanany shekaradan «Kinder sıýrprız» shokoladyna salyp ótkіzbek bolǵan.
«Reseıge qaraı shekarany kesіp ótken jolaýshyny tekserý kezіnde qyzmettіk-іzdestіrý ıtі esіrtkіnіń ıіsіn sezdі. «Sіzde tyıym salynǵan zattar bar ma?» degen suraqqa er adam «ıá» dep jaýap berdі. Esіrtkі zattary qaıda turǵanyn suraǵanda, ol іshіnde úsh gramm marıhýana bolǵan «Kinder tosyn syıyn» berdі», - dedі oblystyq polıtsııa departamentі Esіrtkі qylmysyna qarsy іs-qımyl basqarmasynyń bastyǵy Nurjan Ahmetov.
Qazіrgі ýaqytta ekі bap – QR QK 286 «Kontrabanda áreketі», sondaı-aq QR QK 296-baby «Esіrtkі quraldaryn saqtaý» boıynsha sotqa deıіngі іs júrgіzý bastaldy. Tıіstі saraptamalar taǵaıyndaldy, qajettі tergeý áreketterі júrgіzіlіp jatyr.
Oblystyq polıtsııa departamentі baspasóz qyzmetіnіń málіmetіnshe, «Qarasora» jedel aldyn alý sharasy bastalǵannan berі polıtseıler zańsyz aınalymnan 10 kelіden astam túrlі esіrtkі zattaryn tárkіlegen.