RUS
Almaty oblysynyń Qarasaı aýdanyndaǵy saýda ortalyǵynda 4 jasar qyz balany er adam teýіp ushyrǵan. Jedel-іzdestіrý іs-sharasy barysynda tártіp saqshylary 1998 jylǵy Túrkııa Respýblıkasynyń azamatyn anyqtap, polıtsııaǵa jetkіzdі. Kúdіktі jaýap alý barysynda oqıǵany baıandap, óz kіnásіn tolyq moıyndady.
«Keshe maǵan saýda ortalyǵynda qyz balanyń tepkіden qulaǵany týraly aqparat kelіp tústі. Bul jaıt «Buzaqylyq» baby boıynsha tіrkeldі. Árekettі jasaǵan adam ustalyp, ýaqytsha ustaý ızolıatoryna qamaýǵa alyndy. Almaty oblysynyń Polıtsııa departamentіmen baılanystamyn. Bul fakt boıynsha sot sheshіmі kúshіne engennen keıіn, jazasyn munda ótegennen keıіn ony QR shekarasynan shyǵarýǵa baǵyttalǵan sot protsesі bastalady», - dep jazdy Dınara Zákıeva áleýmettіk jelіdegі paraqshasynda.
Sonymen qatar, ýákіl zańnamada balalarǵa qatysty qylmystyń osyndaı quramyna baılanysty bap joq ekenіn atap óttі. Sondyqtan, aıyptalýshy «kámeletke tolmaǵanǵa qatysty jasalǵan іs-áreket» degen aýyrlatýshy bіlіktіlіk belgіsі de joq «Buzaqylyq» baby boıynsha jaýapqa tartylady.
«Osyǵan baılanysty bіz qazіr Ishkі іster mınıstrlіgіmen bіrlesіp, zańnamaǵa balalarǵa jasalǵan zorlyq-zombylyqqa qatysty tıіstі baptardy engіzý jumysyn bastadyq. Jalpy, túzetýler balalardyń qaýіpsіzdіgіn qamtamasyz etýge qatysty ártúrlі salamen baılanysty. Zańnamaǵa usynystar paketіn QR Parlamentіne osy kúzde berýdі josparlap otyrmyz», - dedі Bala quqyqtary jónіndegі ýákіl.