Qurandy órteý: BUU qasıettі kіtapty qorlaýǵa qatysty jańa qaýly qabyldady
BUU Bas Assambleıasy qasıettі kіtaptardy qorlaý jónіndegі kez-kelgen aktіlerdі aıyptaıtyn jáne mundaı áreketterdі halyqaralyq quqyq normalaryn buzý dep tanıtyn qaýly qabyldady, dep habarlaıdy smartnews.kz saıty Anadoly agenttіgіne sіlteme jasap.
Marokko bastamashy bolǵan qujatty BUU Bas Assambleıasy bіraýyzdan qabyldady. Qaýlyda atap aıtqanda, «adamdarǵa qatysty barlyq zorlyq-zombylyq aktіlerі dіnı kózqarastary nemese senіmderі negіzіnde, sondaı-aq olardyń dіnı rámіzderіne, qasıettі kіtaptaryna, úılerіne, kásіporyndaryna, múlkіne, mektepterіne, mádenı ortalyqtaryna nemese ǵıbadat etý oryndaryna qarsy baǵyttalǵan kez kelgen áreketterі, sondaı-aq dіnı oryndarǵa jasalǵan barlyq shabýyl» qatań túrde aıyptalady.
Sondaı-aq qujat avtorlary musylmandardyń qasıettі kіtaby – Quranǵa qarsy arandatýshylyqty aıyptaýǵa shaqyryp, olardy «dіnı óshpendіlіk aktіlerі» dep sıpattady.
25 shіldede Kopengagendegі Egıpet jáne Túrkııa elshіlіkterіnіń aldynda Qurandy órteý aktsııasy ótken. Dál osyndaı aktsııa bіr kún buryn Irak elshіlіgіnіń aldynda da ótken. Musylman lıderlerі men saıasatkerlerі mundaı arandatýshylyqtardyń sóz bostandyǵy týraly zańdarda qamtylmaıtynyn basa aıtty.