Ekіbastuzdaǵy órt: Qaza tapqan 17 jastaǵy jіgіt janarmaı quıý beketіnіń ıesіnіń uly ekenі anyqtaldy
Ekіbastuzdaǵy janarmaı quıý beketіndegі órtten qaza tapqan 17 jastaǵy jіgіt janarmaı quıý beketіnіń ıesіnіń uly bolyp shyqty. Bul týraly smartnews.kz saıty aqparat agenttіgі habarlaıdy.
Aqparatty Pavlodar oblysy Tótenshe jaǵdaılar departamentіnіń baspasóz qyzmetі rastady.
"Órt kezіnde qaza tapqan 2006 jyly týǵan jіgіt janarmaı quıý stantsııasynyń operatory bolyp jumys іstegen. 17 jastaǵy azamat órt shyqqan janarmaı quıý beketіnіń ıesіnіń uly bolǵan", – delіngen habarlamada.
Sondaı-aq oqıǵa ornynda marqumnyń máıіtіnen bólek "Gazel" kólіgі bolǵan, kólіk tolyǵymen janyp ketken.
Ekіbastuz qalasy ákіmdіgіnіń áleýmettіk jelіdegі resmı paraqshasynda jarııalanǵan aqparatqa sáıkes, órt faktіsі boıynsha QR QK 281-babynyń 2-bólіgі "Jarylys qaýpі bar obektіlerdegі qaýіpsіzdіk erejelerіn buzý” jáne 292-baptyń 2-bólіgі "Abaısyzda adam ólіmіne ákep soqtyrǵan órt qaýіpsіzdіgі erejelerіn buzý" boıynsha tergeý bastaldy.