RUS
Eýropalyq syrtqy іster qyzmetіnіń málіmdemesіnde Eýropadaǵy musylmandardy qorlaǵan jekelegen tulǵalardyń jaqynda jasaǵan áreketterіnen keıіn Eýropa Odaǵy dіnı óshpendіlіk pen tózіmsіzdіkke ıtermeleýdіń kez kelgen túrіne úzіldі-kesіldі qarsy ekenіn taǵy da aıtady.
«Alýantúrlіlіktі qurmetteý – Eýropalyq Odaqtyń basty qundylyǵy. Buǵan basqa dіnı qaýymdastyqtardy qurmetteý de kіredі», – delіngen EO syrtqy іster qyzmetіnіń málіmdemesіnde.
Eýropa dıplomatııasynyń basshysy J.Borrel Qurandy nemese qasıettі dep sanalatyn kez kelgen kіtapty qorlaý, qurmettemeý – arandatýshylyq ekenіn atap óttі.
«Násіlshіldіk, ksenofobııa jáne soǵan baılanysty tózbeýshіlіk kórіnіsterіne Eýropalyq Odaqta oryn joq. Bіz shetelde jáne úıde dіn, senіm jáne sóz bostandyǵyn qorǵaýdy jalǵastyramyz. Ózara túsіnіstіk pen syılastyq úshіn bіrge bolatyn kez keldі. Jeke arandatýshylar júzege asyrǵan bul áreketter bіzdі jáne bіzdіń qoǵamymymyzdy jіk-jіkke bólgіsі keletіnderge ǵana paıda ákeledі», - dedі EO Syrtqy іster jáne qaýіpsіzdіk saıasaty jónіndegі Joǵarǵy ókіlі.