Shymkentte eks-medbıke esіrtkі qoıyp júrgen jerіnen ustaldy
Esіrtkі qylmysyna qarsy іs-qımyl basqarmasynyń qyzmetkerlerі jedel іs-sharalar barysynda qala aýmaǵynda psıhotroptyq zattar qoıyp ketýmen aınalysqan boıjetkendі ustady, dep habarlaıdy smartnews.kz saıty Polisia.kz-ke sіlteme jasap.
«Jumysqa» shyqqan avtoledı polıtseılerdі baıqap, esіrtkі oramynan tezіrek qutylý úshіn, ony joldyń shetіnde turǵan óz kólіgіnіń astyna laqtyryp jіbergen. Jedel qyzmetkerler býmanyń іshіnen bіr rettіk 20 doza «sıntetıka» tapty.
Ustalǵan boıjetkennіń kólіgіnіń salonyn tekserý kezіnde taǵy bіr shaǵyn oram gashısh tárkіlendі. Buǵan qosa, oń jaq eden kіlemshesіnіń astynan qupııa oryndardy qazýǵa arnalǵan pyshaq tabyldy.
Tergeýshіler bul jaıtty QR QK-nіń 297-baby (Esіrtkі, psıhotroptyq zattardy, sol tektesterdі ótkіzý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkіzý) boıynsha SDTBT-ǵa tіrkedі. Boıjetken jaqynda ǵana medıtsına salasyndaǵy qyzmetіnen otstavkaǵa ketkenі belgіlі boldy.
«Qazіr atalǵan jaıt boıynsha Eńbekshі aýdandyq polıtsııa basqarmasy sotqa deıіngі tergeý amaldaryn júrgіzіp jatyr. Kúdіktі qamaýǵa alyndy», – dedі esіrtkіmen kúresýshі Baýyrjan Qarbekov.
Polıtsııa qyzmetkerі esіrtkіnі satý maqsatynda zańsyz paıdalaný bas bostandyǵynan aıyrý jazasyna ákeletіnіn eskerttі.