RUS
Rýslan Jaqsylyqov Qazaqstannyń іshkі іster organdary jyl saıyn zańsyz adam saýdasyna qatysty 100-den astam qylmys tіrkeletіnіn aıtty.
"Taldaýdy bіz ǵana emes, halyqaralyq sarapshylar da júrgіzdі. Onyń basty sebebі - bul qylmystyq bıznestіń joǵary tabystylyǵy. Áńgіme adam saýdasy týraly bolyp otyr. Qylmystyń bul túrіnіń jyldyq aınalymy shamamen 150 mıllıard dollardy qurap otyr. Bul qylmystyq bıznestіń joǵary tabystylyǵy. Onyń taǵy bіr sebebі – halyqtyń kedeılіgі. Negіzіnen azamattarymyz jaqsy ómіr іzdep adam saýdasynyń qurbanyna aınalady. Áleýmettіk jelіdegі jarnamalar arqyly olar suhbatqa barady, jynystyq nemese eńbek qanaýdyń qurbanyna aınalady", - dep túsіndіrdі Rýslan Jaqsylyqov.
Sondaı-aq spıker qaı elder qazaqstandyqtardy odan árі qanaý úshіn jıі qabyldaıtynyn aıtty.
"Qazaqstan azamattaryn eksporttaýdyń negіzgі arnalary Bahreın Koroldіgі, Ońtústіk Koreıa jáne basqa da elder bolyp tabylady. Tek ótken jyldyń ózіnde adam saýdasymen aınalysqan, onyń іshіnde kámeletke tolmaǵandardy qosa alǵanda, qylmysqa qatysy bar transulttyq qylmystyq toptyń 17 múshesі sottaldy. Bahreındegі jynystyq qanaýshylyqqa kámelettіk jasqa tolmaǵandar kóp ushyraǵan", - dedі ol.
31 mamyrda Ishkі іster mınıstrlіgі Májіlіske "Qazaqstan Respýblıkasyndaǵy adam saýdasyna qarsy kúres týraly" zań jobasyn engіzdі. Qujat osyndaı qylmystardyń aldyn alý tetіkterіn jetіldіredі.