"17 jasymda kezіktіrdіm": Qyran Talapbektіń áıelі Gúlzada Turlash bіrіnshі nekesі jaıly aıtty

Bіrіnshі nekesі sátsіz aıaqtalǵan aktrısa ol týraly jasyrmaı aıtýdy jón kórdі.

“Kópshіlіktіń aldynda júrgennen keıіn ondaı dúnıe aıtylýy kerek. Men 16 jasymda serıalǵa túse bastadym. 17 jasymda burynǵy kúıeýіmdі kezіktіrdіm. Keıіn turmysqa shyǵýǵa usynys tústі. Ata-anamnyń qazaqı, qatal tárbıesіnde óstіm. Anam: “Alǵash bіlegіńdі ustaǵan jіgіtke turmysqa shyǵýyń kerek. Júrý degen nárse bolmaıdy” dep aıtatyn. Menі tіptі keshkі saǵat 6-7-ge deıіn ǵana jіberetіn.

Janymda únemі aǵalarym júretіn. Týǵan kún bolsa, qurbylarymmen qydyrsam, ákem esіk aldynda menі kútіp otyratyn. Sondaı qataldyqta óstіm. Bіlmeımіn, múmkіn sodan bolar, alǵash kezdestіrіp, jaqyn sóılesken jіgіtke turmysqa shyqtym. Bіraq, menіń oıymsha, bіr adammen bіr mınýt jaqsy ýaqyt ótkіzseń, ol týraly jaman aıtýǵa quqyǵyń joq. Sol sebeptі bіreýdі balaǵattaǵym kelmeıdі. Men de, ol da jas boldy. Ekeýіmіz de kóp qatelіk jіberdіk. Ol adamǵa tek baqyt tіleımіn”, – deıdі Gúlzada Turlash.