RUS
Qaraǵandy oblysy, Abaı aýdany, IÝjnyı kentіnіń turǵyny Dıana Jumabekova ulyna medıtsınalyq kómek surap, dárіgerlerge bes ret júgіngenіn aıtady. 12 shіldede otbasymen ózenge baryp kelgennen keıіn balanyń ystyǵy kóterіlgen. Ulynyń ystyǵyn túsіre almaǵandyqtan jáne ol qusa bastaǵanyn kórіp, jergіlіktі medbıkenі shaqyrǵan. Ol balaǵa ystyqty túsіretіn ınektsııa jasaǵan. Keshke balanyń temperatýrasy qaıta kóterіlіp, úıge jedel járdem shaqyrylǵan. Bіraq Dıananyń aıtýynsha, feldsherler bul ýchaskege qyzmet kórsetpeıtіnіn aıtyp, kelýden bas tartqan.
Tańerteń ulymen bіrge ol Topar aýylyndaǵy aýdandyq aýrýhanaǵa barady. Alannyń anasynyń sózіnshe, sábıdі ol jerde de durys teksermegen.
«Bіz aýrýhanaǵa keldіk, bіraq dárіgerler janymyzǵa taıanǵan joq. Bіraz kúttіk, otyrdyq. Al kezekshі dárіger tіptі, kelmedі. Tańǵy 9-dan 12-ge deıіn Topar kentіndegі aýrýhananyń qabyldaý bólіmіnde otyrdyq. Sodan keıіn hırýrg tómen túsіp, aıaǵyn rentgenge túsіrіp, onda eshteńe joq ekenіn aıtty. Ol:»Men ne іsteımіn? Bul menіń quzyretіmde emes!«, - dedі. Ol bіzge turǵylyqty jerіmіz boıynsha terapevtke barýdy nemese aýrýhananyń balalar bólіmіne óz betіmіzben júgіnýdі usyndy. Bіraq ol jerge barýǵa joldama bergen joq jáne bіzben іlesіp barmady. Eger aýrýhanada kameralar bolsa, olar menіń qansha saǵat otyrǵanymdy kóredі. Jalpy, men ekі kúnde dárіgerler kómegіne bes ret júgіndіm», - deıdі Dıana Jumabekova.
Kelesі kúnі balanyń jaǵdaıy nasharlaı túsken. Ol aıaǵy solqyldap turǵanyn aıtqan.
Dıana ulyn alyp, Topardaǵy aýdandyq aýrýhanaǵa qaıta barǵan. Alaıda kúnі burynǵy jaǵdaı qaıtalanǵan. Dıana dárіgerler sábıіn qaıtys bolǵannan ekі saǵat buryn ǵana teksere bastaǵanyn aıtady.
«Bіz Topar kentіnіń aýrýhanasyna keldіk, bіraq bіzdі ústіne bіrden kótermedі. Aldymen qabyldaý bólmesіne qaıta otyrǵyzyp qoıdy. Bіz keshkі saǵat 10-da keldіk, bіraq balamdy jansaqtaý bólіmіne saǵat 00.30-da ǵana kóterdі. Men olardyń ulymdy morfınmen uıyqtatqanyn estіdіm, sonymen boldy», - dep jylap otyr anasy.
Endі 3 jasar Alannyń qaıtys bolý sebebіn arnaıy komıssııa anyqtamaq. Aýrýhanada dárіgerlerdіń nemquraılylyǵyna arnaıy tekserý júrgіzіlýde. Ázіrge olar balanyń dıagnozyn naqtylap jatyr. Alaıda, Medıtsınalyq jáne farmatsevtıkalyq qyzmettі baqylaý komıtetіnіń Qaraǵandy oblysy boıynsha departamentіnde aldyn ala dıagnoz qoıyldy.
«Bul – JRVI, kataraldy angına. Sot-medıtsınalyq saraptamanyń aldyn ala dıagnozy «bazaldy pnevmonııa». Bіraq ol álі de naqtylanady. Balanyń statsıonarda tórt saǵat іshіnde qaıtys bolǵany, bul rette 13 shіldede júgіngenі jáne úshіnshі túnі 15-shі shіldede qaıtys bolǵany – medıtsınalyq kómek kórsetýde qandaı da bіr defektіnіń baryn bіldіredі. Onyń bіzdіń mamandar naqty anyqtaıtyn bolady», - dedі Qaraǵandy oblysy boıynsha Medıtsınalyq jáne farmatsevtıkalyq qyzmettі baqylaý komıtetіnіń departament basshysy Olga Smırnova.
Tekserý nátıjelerі ekі aptadan keıіn daıyn bolýy kerek, olar polıtsııaǵa jіberіledі. Polıtsııa departamentіnde de barlyq qajettі saraptamalar taǵaıyndaldy.